Congress; भारत जोडो यात्रेच्या यशात सोशल मीडिया महत्त्वाचा!

नाशिक : काँग्रेस (Congress) पक्षाचा सोशल मीडिया विभाग (Social Media) आगामी आपली नाशिक महापालिकेची (NMC) निवडणूक असो नाही अथवा राज्यातील विधानसभा (Assembly elections) किंवा केंद्रातील लोकसभा (Loksabha) असो यासाठी गेम चेंजर असणार आहे. आगामी काळात सोशल मीडिया अधिक समृद्ध होईल, असे महाराष्ट्र प्रदेश काँग्रेसचे उपाध्यक्ष शरद आहेर (Sharad Aher) यांनी केले. (Congress social media office bearers meeting in Nashik city)

देशातील आगामी निवडणुकीच्या दृष्टीने काँग्रेस पक्षाच्या बाजूने वातावरण अनुकूल करण्यात भारत जोडो यात्रे बरोबर सोशल मीडियाचा फार मोठा वाटा असणार आहे. एका दृष्टीने बघितले तर आपल्याला निट समजते इलेक्ट्रॉनिक मीडिया आपल्या बरोबर नाही पत्रकार बांधव जरी आपली बातमी दाखवायचं ठरवलं तरी यंत्रणा बातमी प्रसिद्ध करू देत नाही.

सध्याच्या वातावरणात सुध्दा भारत जोडो यात्रेच थेट प्रक्षेपण किंवा फोटो आपल्याला सोशल मीडियावर दिसल. इथून पुढे पण दिसेल भारत जोडो यात्रा यशस्वी पणे महाराष्ट्राच्या घराघरात-मनामनात पोहचवण्याच काम सोशल मीडिया वॉरियरने यशस्वी करून दाखवले. इथून पुढे सर्व निवडणुका आपल्याला जमिनीस्तराबरोबरच सोशल मीडियाच्याच माध्यमातून लढता येतील हा विश्वास त्यांनी व्यक्त केला.

नाशिक शहर व जिल्हास्तरीय काँग्रेस सोशल मीडियाची बैठक काँग्रेस भवन येथे झाली. या वेळी प्रदेश पदाधिकारी सुरेश मारू, प्रदेश सरचिटणीस ज्ञानेश्वर काळे, राज्याचे सोशल मीडिया समन्वयक ज्ञानेश्वर चव्हाण, जिल्हाध्यक्ष निरंजन आहेर, शहराध्यक्ष सुदेश अण्णा मोरे, प्रदेशचे डॉ. अमृत सोनवणे, पूर्वचे अध्यक्ष उमेश दासवणी, दिनेश जाधव, आकाश घोलप, महेश एलमामे, मुजाहिद खतीब, निलेश शेवाळे, सुरेश कांकरेंज, अॅड. समीर देशमुख, समाधान जामदार, अमोल मरसाळे, प्रवीण काटे आदी उपस्थित होते.