Nitin Raut Car Accident : काँग्रेसचे नागपूर उत्तरचे उमेदवार नितीन राऊतांच्या कारला ट्रकची धडक

Nagpur News, 14 Nov : माजी मंत्री आणि काँग्रेसचे नागपूर उत्तरचे उमेदवार नितीन राऊत यांच्या कारला एका ट्रकने धडक दिल्याची धक्कादायक घटना बुधवारी रात्री घडली आहे. सुदैवाने या अपघातामध्ये नितीन राऊतांना दुखापत झालेली नाही.

मिळालेल्या माहितीनुसार, नागपूरमधील ऑटोमोटिव्ह चौकात काल रात्री उशीरा एका ट्रकने नितीन राऊत यांच्या कारला धडक दिली. यामुळे कारचं थोडं नुकसान झालं देखील झालं आहे. मात्र या अपघातातून राऊच थोडक्यात बचावले आहेत.

ऐन निवडणुकीच्या काळात झालेल्या या अपघाताची सध्या नागपुरात जोरदार चर्चा सुरू आहे. दरम्यान, या अपघाताची माहिती मिळताच पोलिसांनी घटनास्थळी धाव घेतली.

अपघाताप्रकरणी कपिल नगर पोलिस स्टेशनमध्ये ट्रक चालकाविरोधात गुन्हा दाखल करण्यात आला असून या घटनेचा पुढील तपास पोलिसांकडून सुरू आहे. तर या अपघातात कारला ट्रकची जबर धडक बसल्यामुळे कारचा काही भाग आत गेल्याचा व्हिडिओ समोर आला आहे.