Akola Election Result News : वंचित बहुजन आघाडीचा गड समजल्या जाणाऱ्या अकोला शहरात भाजपने पुन्हा एकदा प्रकाश आंबेडकरांना महापालिकेच्या सत्तेपासून वंचित ठेवले आहे. भाजपच्या नगरसेवकांची संख्या कमी झाली असली सर्वात मोठा पक्ष भाजपच ठरला.
अकोला महानगर पालिका 80 नगरसेवकांची आहे. भाजपचे 38, शिवसेना (शिंदे) 1,राष्ट्रवादी काँग्रेस (अजित पवार) 1, काँग्रेस 21, शिवसेना (उबाठा) 6, राष्ट्रवादी काँग्रेस (शरद पवार) 3, वंचित 5, एमआयएम 3, शहर विकास आघाडी 1 आणि एक अपक्ष नगरसेवक निवडून आला आहे. भाजपला बहुमतासाठी तीन नगरसेवकांची गरज आहे.
एकनाथ शिंदे आणि अजित दादांचा प्रत्येकी एक नगरसेवक निवडून आला आहे. त्यामुळे सत्तेसाठी भाजपाला फारशी तडजोड करावी लागणार नसल्याचे दिसून येते. भाजप पुन्हा सत्तेत येणार असल्याचे स्पष्ट झाले असले तरी मागील निवडणुकीच्या तुलनेत तब्बल 10 नगरसेवकांची संख्या कमी झाली आहे. ही भाजपसाठी धोक्याची घंटा आहे.
वंचित आघाडीने तीनचे पाच नगरसेवक केले. मात्र काँग्रेसने आपली संख्या चांगलीच वाढवली आहे. 13 नगरसेवकांच्या काँग्रेसचे यावेळी 21 नगरसेवक निवडून आले आहेत. विभाजनामुळे उद्धव ठाकरे यांच्या सेनेची संध्या दोनने कमी झाली आहे.
शिंदे सेना एकत्रित असताना 8 नगरसेवक निवडून आले होते. आता ही संख्या सहावर आली आहे. अजित पवार आणि शरद पवार यांच्या राष्ट्रवादीला काही उल्लेखनीय कामगिरी अकोला महापालिकेमध्ये करता आली नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.