अमोल मिटकरींचा महाआघाडीला इशारा; भाजप विरोधात एकत्र या अन्यथा...

अकोला : अकोल्यातील कुटासा जिल्हा परिषदेची जागा राज्यमंत्री आणि अकोला जिल्ह्याचे पालकमंत्री बच्चू कडू (Bachchu Kadu) यांच्या प्रहार संघटनेने जिंकली आहे. त्यांना ही जागा जिंकण्यासाठी भाजपने मदत केल्याचा दावा राष्ट्रवादी काँग्रेसचे आमदार अमोल मिटकरी (Amol Mitkari) यांनी केला. भाजप विरोधात महाविकास आघाडीतील सर्व पक्ष एकत्र आल्यास, सत्ता येण्याचा दावाही त्यांनी केला.

कुटासा सरकलमध्ये २ हजार ६५० मते राष्ट्रवादी काँग्रेसला मिळली. त्यामुळे राष्ट्रवादीचे उमेदवार तीसऱ्या क्रमांकावर राहिले. भाजप उमेदवाराला १ हजार ८०० मते मिळाली. त्यामुळे ते चौथ्या क्रमंकावर राहिले. येथे भाजपला जास्त फटका बसला, असा दावा मिटकरी यांनी केला. पालक मंत्री बच्चु कडू यांच्या प्रहार संघटनेचा उमेदवार येथे विजयी झाला. काँग्रेस सोबत आली असती तर आम्ही वंचीत बहुजन आघाडीला रोखू शकलो असतो, असेही मिटकरी यांनी सांगितले.

महाविकास आघाडीतील तीनही पक्ष वेगवेगळे लढले तर याचा परिनाम होतो. आता महानगर पालिकेतही तीनचा प्रभाग झाला आहे. भाजपला टक्कर द्यायची असलेत तर सगळ्यांनी एकत्र येणे गरजेचे आहे. अकोला जिल्ह्यामध्ये जिल्हा परिषदेच्या १४ जगांवर निवडणुक झाली. त्यामध्ये ठरले होते की काँग्रेस, राष्ट्रवादी आणि शिवसेनेने चार जागा लढवायच्या व दोन जागा बच्चू कडू यांच्या प्रहार संघटनेला सोडायच्या, असे घडले असते तर वंचीत बहुजन आघाडीला रोखता आले असते, असे मिटकरी यांनी सांगितले.

वंचित बहुजन आघाडीला 6 जागा मिळाल्या आहेत. वंचित समर्थक दोन सदस्य होते, त्यामध्ये एक जण विजयी झाला आहे. भाजपच्या दोन जागा कमी झाल्या, तर राष्ट्रवादीची 1 जागा वाढली आहे.