Amravati Graduate Election Result : भाजपला तिसरा पराभवाचा धक्का; अमरावतीत धीरज लिंगाडेंच्या गळ्यात विजयाची माळ

Amravati News: अमरावती पदवीधर मतदारसंघात महाविकास आघाडी (MVA) पुरस्कृत धीरज लिंगाडे आणि भाजप उमेदवार ऱणजित पाटील यांच्यात थेट लढत झाली. मागील २८ तासांपासून याठिकाणी मतमोजणी सुरू होती. अखेर या निवडणुकीचं चित्र स्पष्ट झालं आहे. यात भाजपच्या रणजित पाटलांचा पराभव झाला असून महाविकास आघाडीचे धीरज लिंगाडे यांचा विजय झाला आहे. अमरावती पदवीधर मतदारसंघात महाविकास आघाडी (MVA) पुरस्कृत धीरज लिंगाडे आणि भाजप उमेदवार ऱणजित पाटील यांच्यात थेट लढत झाली.

अमरावती पदवीधर मतदारसंघात (Amravati Division Graduate Constituency) महाविकास आघाडीचे उमेदवार धीरज लिंगाडे पाटील (Dhiraj Lingade Patil) यांना निर्णायक आघाडी मिळाली आहे. धिरज लिंगाडे यांचा विजय निश्चित मानला जात आहे. थोड्याच वेळात त्यांच्या विजयाची अधिकृत घोषणा होणार आहे. अत्यंत चुरशीच्या  झालेल्या लढतीत लिंगाडे यांनी भाजपचे उमेदवार डॉ. रणजित पाटील यांचा पराभव केला आहे.

धीरज लिंगाडे यांना एकूण 46344 मतं पडली, तर भाजपचे उमेदवार रणजीत पाटील यांना 42962 मत मिळाली. धीरज लिंगाडे यांचा 3382 मतांनी विजय झाला आहे.

अमरावती पदवीधर मतदारसंघात महाविकास आघाडी (MVA) पुरस्कृत धीरज लिंगाडे आणि भाजप उमेदवार ऱणजित पाटील यांच्यात थेट लढत झाली. यावेळी एकूण २३ उमेदवार रिंगणात उभे होते. अमरावती मतदारसंघात ३० जानेवारी रोजी एकूण ४९.७५ टक्‍के मतदान झाले होते. मतमोजणी केंद्रावर गुरूवारी सकाळी ८ वाजता मतमोजणीला सुरूवात झाली. पहिल्या मतमोजणीची गती संथ होती.

पहिल्‍या पसंतीच्‍या मतमोजणीअखेर महाविकास आघाडीचे धीरज लिंगाडे (Dheeraj Lingade) यांना ४३ हजार ३४० तर भाजपाचे डॉ. रणजित पाटील यांना ४१ हजार २७ मते प्राप्‍त झाली होती. लिंगाडे यांची आघाडी ही त्‍यावेळी २ हजार ३१३ मतांची होती. वैध मतांची संख्‍या ही ९३ हजार ८५२ इतकी असल्‍याने विजयासाठी आवश्‍यक मतांचा कोटा हा ४६ हजार ९२७ मते इतका निश्चित करण्यात आला होता.