भाजपने त्यांची जागा ओळखून रहावे, नाना संतापले..

भंडारा : भाजप (BJP) प्रदेशाध्यक्ष चंद्रकात पाटील (Chandrakant Patil) यांनी पंतप्रधान नरेंद्र मोदींची (Narendra Modi) छत्रपती शिवाजी महाराज (Chhatrapati Shivaji Maharaj) यांच्याशी तुलना केल्याल्या वक्तव्याचा कॅाग्रेस (Congress) प्रदेशाध्यक्ष नाना पटोले (Nana Patole) यांनी चांगलाच समाचार घेतला आहे. भाजप नेत्यांच्या डोक्यात हवा भरली असून सत्तेचा माज आला आहे. शिवाजी महाराजांच्या नावाने सत्ता मिळाल्यावर त्यांना आता त्यांचे नेते मोठे वाटतात आणि छत्रपती लहान वाटू लागले आहेत, अश्या शब्दात पटोले यांनी पाटलांवर शरसंधान साधले आहे.

पटोले म्हणाले, भाजपच्या नेत्यांना डोक्यात हवा गेली असून त्यांना सत्तेचा माज आला आहे. शिवाजी महाराजांच्या नावावर त्यांनी सत्ता मिळवली. आता छत्रपती शिवाजी महाराज त्यांना छोटे वाटू लागले आहेत. शिवाजी महाराजांनी हिंदूत्व व त्यांची शान-बान वाढवली व आपल्या कर्तृत्वाने जगाला संदेश दिला. मात्र, भाजपने सत्तेसाठी त्या हिंदूत्वाला हिंदूवादी बनवून सत्तेसाठी काहीपण करा कुणाचाही जीव घ्या. देशात कृत्रिम महागाई निर्माण केली व गरिबाला, बेरोजगाराला व शेतकऱ्याला संपवले आहे.

भाजपने हिंदूत्वाचा भगवा घालून व झेंडा हातात घेऊन देशाची दिशाभूल करण्याचे काम केले जात आहे. आता सत्ता आल्यावर त्यांना शिवाजी महाराज लहान लहान वाटत असून त्यांचे नेते मोठे वाटू लागले आहेत. शिवाजी महाराजांचा अपमान राज्यातील व देशातील जनता सहन करणार नाही भाजपने त्यांची जागा ओळखून रहावे, असे पटोलेंनी भाजपला ठणकावले आहे.

दरम्यान, चंद्रकांत पाटील म्हणाले होते की, छत्रपती शिवाजी महाराजांनी जी हिंदू वोट बॅंक बनवली होती. त्याला कळस हा नरेंद्र मोदी आणि लालकृष्ण अडवाणी यांनी चढवला. त्यांच्या या वक्तव्यावर राज्यातील अनेक नेत्यांनी पाटील यांच्यावर टीकेची झोड उठवली आहे.