पडळकर म्हणाले, अखेर सरकारचा पर्दाफाश!

पुणे : ओबीसी राजकीय आरक्षणासाठी (OBC Political Reservation) राज्य सरकारची (State Government) इम्पिरिकल डेटा मागणीची याचिका सुप्रीम कोर्टाने (Supreme Court) फेटाळल्यानंतर भाजप (BJP) नेते व आमदार गोपीचंद पडळकर (Gopichand Padalkar) हे चांगलेच संतापले आहे. सर्वोच न्यायलयाच्या या निर्णयामुळे प्रस्थापितांच्या संपूर्ण नौटंकीचा महाराष्ट्रातील बहुजनांपुढे फर्दाफाश झाला असून या सरकारने ओबीसीं प्रेमाचा फक्त पुळका दाखवायचे नाटक करून तोंडाला पाने पुसण्याचे काम केले आहे, असा घणाघात त्यांनी राज्य सरकारवर केला आहे.

राज्य सरकारच्या इम्पिरिकल डेटा मागणीची याचिका सुप्रीम कोर्टाने फेटाळल्यानंतर स्थानिक स्वराज्य संस्थांच्या निवडणुकीवर प्रश्नचिन्ह निर्माण झाले होते. मात्र, आता सुप्रीम कोर्टाने राज्यातील निवडणूक प्रक्रियेत हस्तक्षेप करण्यास नकार दिल्याने आता 21 डिसेंबर रोजी होणाऱ्या स्थानिक स्वराज्य संस्थांच्या निवडणुका ओबीसी आरक्षणाशिवाय होणार आहे. यामुळे राज्यातील भाजपचे ओबीसी नेते चांगलेच आक्रमक झाले असून याला सर्वस्वी महाविकास आघाडी सरकार जबाबदार धरत असून त्यांनी सरकारला चांगलेच धारेवर धरले आहे.

गोपीचंद पडळकर म्हणाले, आजच्या सर्वोच न्यायलयाच्या निर्णयामुळे प्रस्थापितांच्या संपूर्ण नौटंकीचा महाराष्ट्रातील बहुजनांपुढे फर्दाफाश झाला आहे. सर्वपक्षीय बैठकीत देवेंद्र फडणवीस यांनी स्पष्ट सांगितले होते की, अध्यादेश काढण्यापूर्वी इम्पिरिकल डेटा गोळ करा आणि मगच अध्य़ादेश काढा. मात्र, प्रस्थापितांना आपल्या उमेदवारांसाठी मार्ग मोकळा करायचा होता. म्हणूनच त्यांनी नावापुरता अध्य़ादेश काढला, असा आरोप त्यांनी महाविकास आघाडी सरकारवर केला आहे.

सुरूवातीपासून प्रस्थापितांकडून ओबीसींचा पुळका असल्याचा आव आणला जातोय हे आज हे पुन्हा एकदा सिद्ध झाले आहे. वेळ असताना आयोगाला जर बसायला खुर्ची आणि मागितलेले मानधन दिले असते तर, आज आमच्या बहुजनांचे हक्क हिरावले गेले नसते. न्य़ायालय़ात याचिका दाखल केल्यानंतर आगोयाला पैसे दिले गेले. तेही पन्नास कोटींची आवश्यकता असताना फक्त पाचच कोटी दिले गेले. मी या प्रस्थापितांच्या सरकारचा निषेध करतो, अश्या शब्दात पडळर यांनी सरकारवर हल्लाबोल केला.

पडळकर म्हणाले, मी सर्व बहुजनांना आवाहन करतो की, आपला हक्क घेतल्याशिवाय मिळाणार नाही. जोपर्यंत शकुनी कांकाच्या इशाऱ्यावर हे प्रस्थापितांचे सरकार चालतेय तोपर्यंत हे फक्त असे दाखवण्यापुरते नाटक करून तोंडाला पाने पुसण्याचे काम करतील. त्यामुळे चला आता एक लढा उभारू, असे आव्हान पडळकरांनी ओबीसी समाजाला केले आहे.