Bhandara News : भाजप प्रदेशाध्यक्ष चंद्रशेखर बावनकुळे यांनी देवेंद्र फडणवीस यांना पुन्हा एकदा मुख्यमंत्री करण्याचा निश्चय भाजप कार्यकर्त्यांना करायला लावला आहे. विशेष म्हणजे बावनकुळेंनी तसं भाजप कार्यकर्त्यांकडून एकमुखाने वदवूनही घेतलं आहे. भंडारा येथील पदाधिकारी आणि कार्यकर्तेच्या बैठकीत ते बोलत होते.
२०२४ मध्ये नवीन सरकारमध्ये वानखेडे स्टेडियमवर मुख्यमंत्रिपदाची कोण शपथ घेणार? असा प्रश्न चंद्रशेखर बावनकुळे यांनी उपस्थित पदाधिकारी, कार्यकर्त्यांना विचारला, त्यावर सर्वांनी एकमुखाने देवेंद्र फडणवीसांचं (Devendra Fadnavis) नाव उच्चारलं. तसेच महाराष्ट्रात एकच वाघ आहे, तो म्हणजे देवेंद्र फडणवीस, दुसरा कोणी वाघ होऊ शकत नाही, असंही बावनकुळेंनी या वेळी बोलून दाखवलं.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
चंद्रशेखर बावनकुळे(Chandrasekhar Bawankule) म्हणाले, ''या नवीन सरकारमध्ये पुन्हा एकदा वानखेडे स्टेडियमवर....ऐकलं का सर्वांनी. वानखेडे स्टेडियमवर कुणाचा शपथविधी झाला होता? दोन्ही हात वर करून जोरात सांगा तुमच्या मनात काय? या महाराष्ट्रात पुन्हा वानखेडे स्टेडियमवर ...'' यावर उपस्थितांनी एकमुखाने देवेंद्र फडणवीसांचं नाव घेतलं.
त्यामुळे एकीकडे महायुती आगामी निवडणूक एकनाथ शिंदेच्या नेतृत्वात लढणार असल्याचं अनेकदा सांगितलं गेलं असलं, तरीदेखील आता बावनकुळेंच्या विधानामुळे राजकीय वर्तुळात विविध चर्चा रंगल्या आहेत.
याशिवाय या अगोदर बावनकुळेंनी मेळाव्यास उपस्थित भाजप पदाधिकारी आणि कार्यकर्त्यांना नरेंद्र मोदींना तिसऱ्यांदा पंतप्रधान बनवण्यासाठी महाराष्ट्रातून महायुतीचे 45 खासदार आणि त्यात भंडाऱ्याचा खासदार सर्वाधिक मतांनी निवडून आणण्यासाठी संकल्प करण्यास सांगितले.
(Edited by - Mayur Ratnaparkhe)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.