Nagpur News : गाणारांचा जिवात जीव : 'नॉट रिचेबल' भाजप आमदार अखेर 'रिचेबल'; म्हणाले...

Nagpur Teachers Constituency Election : नागपूर शिक्षक मतदारसंघासाठी उद्या सोमवारी मतदान होणार आहे. अशातच शिक्षक परिषदेचे उमेदवार व भाजपचे उमेदवार नागो गाणार यांचे टेन्शन वाढवणारी बातमी समोर आली होती. भाजप आमदार समीर कुणावार 'अदृश्य' असल्याची चर्चा होती. मात्र, याबाबत कुणावर यांनीच स्पष्टीकर दिले आहे.

गाणार यांच्या विजयासाठी भाजपच्या (BJP) सहाही जिल्ह्यातील आमदारांना कामास लावण्यात आले आहे. हिंगणघाटमध्ये समीर कुणावार यांच्यावर जबाबदारी असताना ते शनिवारी सायंकाळपासून दिसेनासे झाले होते, अशी चर्चा सुरु झाली होती. त्यामुळे गाणार समर्थकांचे टेन्शन वाढले होते. मात्र, 'सरकारनामा'ने कुणावर यांच्याशी संपर्क साधला असता त्यांनी आपली भूमिका स्पष्ट केली.

कुणावर म्हणाले, मी सुरुवातीपासून गाणार यांचे काम केले आहे. आमचे सर्व कार्यकर्ते त्यांचे काम करत आहेत. मी सकाळपासून अनेक लोकांशी फोनवरुन बोलतो आहे. १५ दिवसांपासून आमचे कार्यकर्ते त्यांच्यासाठी झटत आहेत. गाणार यांचे काम चांगले आहे. कोणतेही मतभेत नाहीत. मी स्वत: शिक्षकांशी बोललो आहे, असे स्पष्टीकरण त्यांनी दिले. त्यामुळे ते नॉट रिचेबल असलेल्या चर्चांणवर पडदा पडला.

पक्षाच्या सर्व पदाधिकाऱ्यांसह ते बाहेरगावी गेल्याची चर्चा होती. तसेच ते गाणार यांच्यावर नाराज आहेत, असेही बोलले जात होते. मात्र, यावर त्यांनी स्पष्टीकरण देत आपण गाणार यांचे काम करत असल्याचे सांगितले आहे. मात्र, आमदार समीर कुणावार हे नाराज असल्याची चर्चा कुणी सुरु केली. यावरुन भाजपमध्येच गट असल्याची चर्चा सुरु झाली आहे.