Nagpur Crime: भयानक! वेगळ्या राहणाऱ्या पत्नीने मागितला मुलीचा ताबा; चिडलेल्या पित्याकडून त्याच चिमुकलीचा केला खून

Nagpur Crime: महाराष्ट्रात पित्याकडून चिमुकलीचा खून करण्यात आल्याची भयनाक घटना घडली आहे. केवळ पत्नीनं मुलीचा ताबा मागितल्यानं चिडलेल्या बापानं हे अमानुष कृत्य केलं आहे. नागपूरमध्ये घडलेल्या या घटनेनं अवघा महाराष्ट्र हादरला आहे. ही बातमी कळताच परिसरात हळहळ व्यक्त केली जात आहे.

नेमकं काय घडलं?

नागपूरच्या वाठोडे येथील सरोदेनगर परिसरात बुधवारी पहाटे ही धक्कादायक घटना घडली. बुधवारी पहाटे साडे पाचच्या सुमारास मुलीने प्यायला पाणी मागितलं. यावेळी रात्री दारूच्या नशेत असणाऱ्या नराधम बापानं रागाच्या भरात चाकू तिच्या छातीत खुपसला. पत्नीने मुलीचा ताबा मागितल्याच्या त्याचं आठ वर्षांच्या मुलीचा खून या बापानं केला आहे.

धनश्री शेंदरे असं मृत मुलीचं नाव आहे. तर शेखर शेंदरे असं तिच्या जन्मदात्या नराधममाचं पित्याच नाव आहे. धनश्री (वय, ८ वर्षे) आपलया आजी आणि वडिलांसोबत राहत होती. पत्नी शुभांगीसोबत मुलीच्या ताब्यावरून दीर्घकाळ वाद सुरू होता. पत्नी त्याच्यापासून वेगळी राहत होती, मुलीला भेटण्यासाठी ती लपून यायची. मुलीची आईकडं जाण्याची ओढ आरोपीसाठी वादाचं कारण ठरली. कारण मुलीचा ताबा तिच्या आईकडं देण्यास आरोपी पित्याचा तीव्र विरोध होता.

दरम्यान, या अमानुष घटनेनंतर रक्ताच्या थारोळ्यात पडलेली धनश्री मदतीसाठी रडत होती. यानंतर तिच्या आजी आणि काकांनी तातडीनं पोलिस ठाणं गाठलं नंतर तिला हॉस्पिटलमध्ये दाखल केलं. पण तोवर डॉक्टरांनी धनश्रीला मृत घोषित केलं. कुसुमबाई शेंदरे यांच्या तक्रारीवरून वाठोडा पोलिस ठाण्यात नराधम बापाविरोधात गुन्हा दाखल झाला आहे. यानंतर पोलिसांनी आरोपी शेखर शेंदरेला अटक केली. पण या दुर्देवी घटनेमुळं घटनेने संपूर्ण परिसरात संताप आणि हळहळ व्यक्त होत आहे. आरोपी हा प्रचंड दारूच्या आहारी गेलेला व्यक्ती असून आपल्या पत्नीवर तो कायम संशय घ्यायचा तसंच तिला मारहाणही करत होता.