Nagpur News : नागपूर हिवाळी अधिवेशनाच्या सुरुवातीपासूनच विरोधी पक्षनेतेपदाचा मुद्दा तापला आहे. सत्ताधाऱ्यांनाचा विरोधीपक्ष नेता नियुक्त करायचा नसल्याचा आरोपही विरोधकांचा आहे. आरोप-प्रत्यारोप सुरू असतानाच अचानकपणे काँग्रेस विधिमंडळ पक्षाचे नेते विजय वडेट्टीवारांचा नाव पुढे आले आहे. शिंदे सेनेच्यावतीने त्यांचे नाव रेटले जात असल्याचे बोलले जाते. समाज कल्याण मंत्री संजय सिससाट यांनी भास्कर जाधव यांना लॉलीपॉप दाखवले जात असून उद्धव ठाकरे यांना त्यांच्या पुत्राला विरोधी पक्षनेते करायचे असल्याचा दावा केला. त्यापेक्षा वडेट्टीवारांना विरोधीपक्षनेता करा अशी सूचनाही त्यांनी केली.
याबाबत विचारणा केली असता वडेट्टीवार म्हणाले की, माझ्या नावासंदर्भात कुणीही माझ्याशी चर्चा केलेली नाही. माझे नाव कसे पुढे आले, याचा शोध घ्यावा लागेल, असे सांगून त्यांनी सर्व चर्चा फेटाळून लावल्या. यावेळी त्यांनी मी विरोधीपक्ष नेता म्हणून त्यांना चालेन का? हे देखील मला मुख्यमंत्र्यांना विचारावे लागले, असाही मिश्लिक टोला वडेट्टीवार यांनी फडणवीस यांना लगावला आहे.
अधिवेशनाच्या पहिल्या दिवसापासून विरोधी पक्षनेतेपदासाठी वेगवेगळी नावे पुढे येताहेत. आदित्य ठाकरे, भास्कर जाधव यांची नाव पुढे आली होती. शिवसेनेच्या आमदारांची संख्या सर्वाधिक आहे. त्यांचे एकूण २० तर काँग्रेसचे १६ आमदार आहे. त्यामुळे या पदावर उद्धव ठाकरे सेनेचा दावा आहे. असे असताना वेडट्टीवारांच्या नाव समोर आल्याने आश्चर्य व्यक्त केले जात आहे.
महायुतीच्यावतीने आघाडी फूट पाडण्यासाठी ही खेळी केली जात असल्याचे बोलले जात आहे. आज दिवसभर विधिमंडळ परिसरात विजय वडेट्टीवार यांच्याच नावाची चर्चा होती. भाजपला वडेट्टीवार विरोधी पक्षनेते म्हणून चालणार काय याबाबत मला मुख्यमंत्र्यांनाच विचारावे लागेल, असे विनोदाने ते म्हणाले.
दोन महिन्यांपूर्वी मुख्यमंत्र्यांशी भेटून विरोधी पक्षनेतेपद द्या, अशी मागणी महाविकास आघाडीच्यावतीने करण्यात आली होती. माझ्या नावासंदर्भात कुणीही माझ्याशी चर्चा केलेली नसल्याचे वडेट्टीवार यांनी स्पष्ट केले.
महायुती सरकार स्थापन झाले तेव्हा अंबादास दानवे हे विधान परिषदेचे विरोधीपक्ष नेते होते. मात्र त्यांचा कार्यकाळ संपला आहे. आता विधानसभा आणि विधान परिषद दोन्ही सभागृहात विरोधी पक्षनेता नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.