Nagpur ZP News : ‘५० खोके...’ नंतर जिल्हा परिषदेत गाजत आहे ‘१५ टक्के, एकदम ओक्के...’

15 percent, absolutely ok in Nagpur ZP : इतिहासातील सर्वात मोठे बंड करून एकनाथ शिंदे महाराष्ट्रातच नव्हे तर देशभरात रातोरात चर्चेत आले होते. सुरत, गुवाहाटी, गोवा त्यानंतर मुंबई असा प्रवास करून आल्यानंतर विरोधकांनी ‘५० खोके एकदम ओक्के...’च्या घोषणा दिल्या होत्या. हा नारा खूप गाजला. तसाच आता नागपूर जिल्हा परिषदेत ‘१५ टक्के, एकदम ओक्के..’चा विषय गाजत आहे. (The administration is in its second term with the incumbents)

‘५० खोके.. एकदम ओके’वरून सत्ताधारी व विरोधकांकडून आरोप, प्रत्यारोप करण्यात आले. तसेच आरोप-प्रत्यारोप आता जिल्हा परिषदेत होत आहेत. जिल्हा परिषदेत कॉंग्रेस (Congress) प्रणित महाविकास आघाडीची (Mahavikas Aghadi) सत्ता आहे. सत्ताधाऱ्यांसह प्रशासनाची दुसरी टर्म सुरू आहे. जिल्हा नियोजनसह इतर काही विकासकामांवर अनेक महिने स्थगितीसारखी स्थिती होती.

मार्च महिन्यात ही परिस्थिती दूर झाली आणि विकासकामांना गती आली. त्यामुळे सत्ताधाऱ्यांसह विरोधकांचे विकासकामे मंजूर करणे हे एकच ध्येय होते. यात काहींना यश आले. या विकास कामावरून १५ टक्क्यांची चर्चा सुरू झाली आहे. सत्ताधाऱ्यांसह विरोधकांकडून याचा उपयोग होत आहे. काही प्रकरणात तर २० टक्के पर्यंतच्या विषयाची चर्चा झाली.

दोन्ही पक्षांना आवडणारा हा विषय आहे. काहींच्या नातेवाइकांकडून १५ टक्के एकदम ओकेची भाषा करण्यात येत आहे. काही अधिकाऱ्यांकडून याचा सर्रास वापर होत आहे. काही विभाग सर्वांच्या नजरेत आहेत. ‘१५ टक्क्यांचा विषय नवीन नाही. आपल्याकडून पारदर्शीपणे काम असल्याने दिसून पडते’, असे एका अधिकाऱ्याने खासगीत बोलून दाखविले.

कामावर प्रश्नचिन्ह..

काही सदस्यांशी संबंधित नातेवाईक कामे घेत आहेत. तर काही सदस्यांकडून जवळच्या मंडळीसाठी फिल्डिंग लावत असल्याचा जोरदार चर्चा आहे. जिल्हा परिषदेत (ZP) काही कंत्राटदारांकडूनही १५ ते २० टक्क्यांची भाषा होत आहे. काहींच्या मते १० ते १५ टक्के ओके आहे. परंतु काही सदस्यांकडून कामासाठी ‘२० टक्के एकदम ओके’ ची भाषा होत आहे. यामुळे कामाच्या गुणवत्तेवर प्रश्न निर्माण झाले आहेत.

Edited By : Atul Mehere