Nitin Gadkari Threat Case: गडकरी धमकी प्रकरणात मोठी अपडेट; चौकशीत धक्कादायक खुलासे, केंद्रीय तपास यंत्रणेकडे..

Nagpur News: गेल्या काही दिवसामध्ये भाजपचे ज्येष्ठ नेते, केंद्रीय मंत्री नितीन गडकरी (Nitin Gadkari)यांनी दोन वेळा धमकीचे फोन आले. नागपूर येथील त्यांच्या संपर्क कार्यालयात धमकीचे हे फोन आले आहेत. १ एप्रिल रोजी दहा कोटी रुपयांची खंडणी मागण्यात आली होती. खंडणी न दिल्यास जीवे मारण्याची धमकी देण्यात आली होती.

गडकरी धमकी प्रकरणात मोठी अपडेट समोर आली आहे. केंद्रीय तपास यंत्रणेकडे हे प्रकरण सोपविण्यात येणार असल्याची माहिती समोर येत आहे. एका वृत्तवाहिनीही ही बातमी दिली आहे. जयेश पुजारी याने ही धमकी दिल्याचा आरोप आहे. कर्नाटकच्या कारागृहात असताना त्याने गडकरींच्या कार्यालयात धमकीचा फोन केल्याचे पोलीस तपासात समोर आले आहे.

यापूर्वी देखील एकदा नितीन गडकरी यांना त्याच्याच नावाने धमकीचा फोन आला होता. सध्या जयेश पुजारी उर्फ कांथा हा नागपूरच्या धंतोली पोलिसांच्या ताब्यात असून त्याची चौकशी सुरू आहे. त्याच्या चौकशीमधून अनेक धक्कादायक खुलासे समोर येत आहेत. त्यामुळे हे प्रकरण लवकरच केंद्रीय तपास यंत्रणेकडे सोपविण्यात येणार असल्याचे समजते.

जयेश पुजारी यांची नागपूर पोलीस कसून चौकशी करीत आहेत, चौकशीत हे प्रकरण गंभीर असल्याचे तपासात पोलिसांना आढळले आहे. नितीन गडकरी यांना धमकीचा फोन आल्यानंतर त्यांच्या सुरक्षेत वाढ करण्यात आली आहे.

'डॉन व्हायचं,' म्हणून जयेश पुजारीने केंद्रीय मंत्री नितीन गडकरी यांना धमकीचा कॉल केल्याची माहिती समोर आली आहे. डॉन बनण्यासाठी आपण नितीन गडकरी यांना धमकी दिल्याचा खुलासा जयेश पुजारी याने नागपूर पोलिसांसमोर केला आहे. ‘प्रोडक्शन वॉरन्ट’वर जयेश पुजारीला नागपुरात आणण्यात आलं आहे.(Latest Vidarbha News)