होळीसाठी राणा दाम्पत्य मेळघाटात; आदिवासींसोबत राणांचे नृत्य...

मेळघाट : दरवर्षीप्रमाणे यंदाही अमरावती लोकसभा मतदारसंघाच्या खासदार नवनीत राणा (Navneet Rana) व आमदार रवी राणा (Ravi Rana) यांच्या स्वागतासाठी धारणी, चिखलदरा तालुक्यातील आदिवासी बंधू भगिनी व युवा स्वाभिमान कार्यकर्ते होळी निमित्य आज (ता.18 मार्च) मेळघाट मध्ये दाखल झाले आहेत. होळी हा आदिवासींचा महत्वाचा सण आहे. स्वतःला मेळघाटची कन्या समजणाऱ्या व आदिवासींसोबत आपले घट्ट नाते जोपासणारे राणा दांपत्य हे दरवर्षीप्रमाणे यंदाही होळी सण हा आदिवासी बंधू भगिनींसोबत उत्साहात साजरी करणार आहे. (Navneet and Ravi Rana in Melghat News)

यंदा सलग 12 व्या वर्षी राणा दाम्पत्य आपली परंपरा जोपासत धारणी, चिखलदरा, चुरणी आदी भागातील अतिदुर्गम गावांमध्ये जाऊन होळीपूजन करणार आहेत. मेळघाट दौऱ्यावर असतांना आदिवासी बांधवासोबत खासदार राणा ढोल वाजवत त्यांच्या नृत्यात सहभाग घेतला. आदिवासींसाठी होळी महत्वाचा सण आहे. स्वतःला मेळघाटची कन्या समजणाऱ्या व आदिवासींसोबत आपले घट्ट नाते जोपासणारे राणा दांपत्य दरवर्षीप्रमाणे यंदाचीही होळी आदिवासी बंधू भगिनींसोबत होळी साजरी करीत आहे.

राणा दाम्पत्य आपल्या मतदारसंघात जवळपास सर्वच सणांमध्ये मोठ्या उत्साहात सहभागी घेतांना पाहायला मिळते. नवरात्री उत्सवात खासदार नवनीत राणा या महिलांसोबत गरबा खेळतांना दिसल्या होत्या. तर कधी त्या खेळांमध्येही सहभाग घेतांना त्या दिसतात. यंदा कोरोना प्रादुर्भाव कमी झाल्याने राणा दाम्पत्य मेळघाटात होळी साजरी करण्यासाठी आदिवासी बांधवामध्ये गेले आहे.