Ajit Pawar: विमान 'स्मुथली लँड' होतं तेव्हा समजतो की पायलट महिला असणार! अजितदादांचं ते ट्विट व्हायरल

Ajit Pawar: राज्याचे उपमुख्यमंत्री अजित पवार यांचं बारामतीजवळ आज विमान अपघातात निधन झालं. त्यांच्या विमानाचं सारथ्य एक महिला पायलट करत असल्याचं विमान कंपनीच्या पॅसेंजर मॅनिफेस्टमधून समोर आलं आहे. पण यापार्श्वभूमीवर आता अजित पवारांचं एक जुन ट्विटही व्हायरल झालं आहे. हे ट्विट विमानाच्या सुरक्षित लँडिंगबाबत आहे. पण त्यांनी नेमकं काय म्हटलं होतं?

अजित पवारांनी १८ जानेवारी २०२४ रोजी दुपारी २.३४ वाजता इंग्रजीतून एक ट्विट केलं होतं. महिलांचा गौरव करण्याच्या हेतून त्यानं एक मिश्किल ट्विट केलं होतं, यात त्यांनी म्हटलं होतं की, जेव्हा आम्ही हेलिकॉप्टर किंवा विमानानं प्रवास करतो, तेव्हा जर ते विमान किंवा हेलिकॉप्टर अगदी हळुवारपणे लँड झालं तर आम्ही समजून जातो की पायलट ही महिला आहे. या ट्विटखाली त्यांनी एनसीपी विमेन पावर असा हॅशटॅगही वापरला आहे.

दरम्यान, आजच्या अपघातावेळी देखील त्यांची पायलट कॅप्टन शांभवी पाठक ही एक महिला होती. त्याच्या जोडीला एक पुरुष पायलट कॅप्टन सुमित कपूर हे देखील होते. यानिमित्त अजित पवारांचं एक वर्षापूर्वीच हे ट्विट पुन्हा एकदा सोशल मीडियात व्हायरल झालं आहे.

पण या भीषण दुर्घटनेत अजित पवार यांच्यासह त्यांचे अंगरक्षक विदीप जाधव, फ्लाईट अटेंडंड पिंकी माळी तर दोन पायलट कॅप्टन सुमित कपूर आणि कॅप्टन शांभवी पाठक यांचाही मृत्यू झाला आहे.