Mumbai News, 08 Feb : बहुचर्चित आणि विभानसभा निवडणुकीत महायुतीच्या विजयासाठी कारणीभूत ठरलेली 'मुख्यमंत्री माझी लाडकी बहीण योजना' (Ladki Bahin Yojana ) पुन्हा एकदा चर्चेत आली आहे. कारण लाडकी बहीण योजनेचा लाभ घेण्यासाठी ज्या महिलांनी निकषांचे उल्लंघन केलं आहे.
अशा जवळपास 5 लाख बहिणींना सरकारने अपात्र ठरवलं आहे. मात्र, या बहिणींना योजनेअंतर्गत मिळालेले सहा महिन्यांचे पैसे परत घेतले जाणार नाहीत, असं सरकारकडून स्पष्ट करण्यात आलं आहे. राज्यभरात करण्यात आलेल्या प्राथमिक तपासणीत 5 लाख लाडक्या बहिणी अपात्र ठरल्या आहेत.
सरकराने विविध सरकारी योजनांचा लाभ घेणाऱ्या तसंच ज्यांच्या घरी चार चाकी वाहन आहे अशा महिलांना या योजनेतून वगळलं असल्याची माहिती महिला व बालकल्याणमंत्री आदिती तटकरे (Aditi Tatkare) यांनी दिली.
मात्र, सरकारने विधानसभा निवडणुकीच्या तोंडावर कोणतेही निकष न लावता ज्या ज्या महिलांनी या योजनेसाठी अर्ज केले होते त्यांना सरसकट दरमहा 1500 रुपये दिले. या योजनेसाठी 2 कोटी 63 लाख महिलांनी अर्ज केले होते. त्यापैकी 2 कोटी 41 लाख महिला पात्र ठरल्या आहेत. तर अद्याप 11 लाख अर्जांची छाननी बाकी आहे.तर आतापर्यंतच्या छाननीमध्ये 5 लाख बहिणी अपात्र ठरल्या आहेत.
या अपात्र बहिणींना जुलै ते डिसेंबर या काळात दिलेले योजनेची रक्कम परत घेतली जाणार नाही. पण या महिलांना जानेवारीपासून लाडकी बहीण योजनेचे पैसे दिले जाणार नाहीत, असंही तटकरेंनी स्पष्ट केलं आहे. पण या अपात्र 5 लाख बहिणींनी सहा महिन्यांसाठी देण्यात आलेले सरकारचे 450 कोटी रुपये मात्र पाण्यात गेले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.