Politics : राज्याच्या अर्थसंकल्पीय अधिवेशनाचा आज (दि.25) शेवटचा दिवस होता. या अर्थसंकल्पीय अधिवेशनादरम्यान सत्ताधारी आणि विरोधकांमध्ये विविध मुद्द्यांवरून जोरदार खडाजंगी झाल्याचं पाहायला मिळालं.
अर्थसंकल्पीय अधिवेशनाच्या शेवटच्या दिवशी विरोधकांनी सभागृहाच्या कामकाजावर बहिष्कार घातला. त्यानंतर विरोधकांनी पत्रकार परिषद घेत सत्ताधाऱ्यांवर जोरदार टीका केली. यानंतर सत्ताधाऱ्यांनी सभागृहाच कामकाज संपल्यानंतर पत्रकार परिषद घेत विरोधकांना चांगलेच टोले लगावले.
यावेळी मुख्यमंत्री एकनाथ शिंदे यांनी विरोधीपक्षनेते अजित पवार यांचा अधिवेशनादरम्यान एक नवा गुण पाहायला मिळाला, असा टोला लगावला. मुख्यमंत्री असं म्हणताच पत्रकार परिषदेत एकच हशा झाला.
काही दिवसांपूर्वी अजित पवारांचा डोळा मारतानाचा एक व्हिडिओ व्हायरल झाला होता. शिंदे-फडणवीस सरकारने अर्थसंकल्प सादर (दि.9 मार्च) केल्यानंतर अजित पवार आणि उद्धव ठाकरे यांनी अर्थसंकल्पावर प्रतिक्रिया दिली होती.
यावेळी अजित पवार अर्थसंकल्पावर माध्यमांशी संवाद साधत असतांना उद्धव ठाकरे तेथे आले होते. ठाकरे तेथे आल्यानंतर अजित पवार बाजूला झाले. यावेळी पवार हे ठाकरेंना म्हणाले, 'तुम्ही बोला, मी तुमच्या बाजूलाच आहे'. त्यानंतर ठाकरे बोलायला लागताच पवारांनी तिथे उपस्थित असलेल्या आमदाराकडे पाहून डोळा मारला.
अजित पवारांची हीच अॅक्शन कॅमेऱ्यात कैद झाली. त्यानंतर हा व्हिडिओ सोशल मीडियावर प्रचंड व्हायरल झाला. याच पार्श्वभूमीवर आज अधिवेशन संपल्यानंतर मुख्यमंत्री एकनाथ शिंदे यांनी अधिवेशनादरम्यान अजित पवारांचा एक नवा गुण पाहायला मिळाला, असा टोला लगावला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.