BJP News : शिवसेनेच्या ‘त्या २० टक्के’ मतांसाठी भाजपचे आक्रमक डावपेच : कार्यकारिणीत ठरली रणनीती

मुंबई : शिवसेनेत (Shivsena) अभूतपूर्व बंडाळी घडवून आणल्यानंतर भारतीय जनता पक्षाचा (BJP) डोळा शिवसेनेच्या (उद्धव बाळासाहेब ठाकरे) २० टक्के मतांवर आहे. शिवसेनेची ही वीस टक्के मते ही हिंदुत्ववादी (Hindutva) मते (voting) आहेत. आगामी निवडणुकीत ते आपल्याकडे खेचून आणण्यासाठी भाजपकडून रणनीती आखण्यात आली आहे. या मतांसाठी भाजप आगामी काळात आक्रमक होण्याचे संकेत मिळत आहेत. (BJP eyeing Shiv Sena's 20 percent Hindutva wadi votes)

उद्धव ठाकरे यांच्या शिवसेनेची मतं आपल्याकडे खेचण्यासाठी भाजपमध्ये खलबतं सुरू आहेत. भारतीय जनता पक्षाच्या कार्यकारणीत शिवसेनेची हिंदू मते स्वतःकडे खेचण्याची भाजपची रणनीती आहे. शिवसेनेची ही हिंदुत्व मते स्वतःकडे खेचण्यासाठी येत्या काळात भाजप आक्रमक होणार असल्याचे संकेत मिळत आहेत.

शिवसेनेकडे ८० टक्के मराठी, तर २० टक्के हिंदुत्ववादी मते आहेत. या वीस टक्के हिंदुत्ववादी मतांवरच भारतीय जनता पक्षाने डोळा ठेवला आहे. शिवसेनेचे ही २० टक्के हिंदुत्ववादी मते खेचून घेण्यासाठी भाजप मुंबईत हिंदुत्वाच्या मुद्यावर आक्रमक भूमिका घेण्याची शक्यता वर्तविण्यात येत आहे. त्याबाबत कार्यकारिणीत चर्चा झाल्याची सूत्रांची माहिती आहे.

आगामी स्थानिक स्वराज्य संस्थांच्या निवडणुकीतच शिवसेनेची ही २० टक्के हिंदुत्ववादी मते खेचण्याचा भाजपचा प्रयत्न असणार आहे. तसेच, आगामी लोकसभा निवडणुकीत गेल्या टर्महून अधिक खासदार निवडून आणण्याचेही उद्दिष्ट ठेवण्यात आलेले आहे. कार्यकारिणीच्या बैठकीत यावर चर्चा झाली आहे. त्यामुळे शिवसेनेची हिंदुत्ववादी मते आपल्याच पारड्यात पडावीत, यासाठी भाजपकडून डावपेच आखण्यात येत आहेत.

भारतीय जनता पक्षाचे खासदार नसलेल्या मतदारसंघात पक्षाच्या पदाधिकाऱ्यांना विशेष मेहनत घेण्याचे आदेश पक्षश्रेष्ठींकडून देण्यात आलेले आहेत. त्यामुळे आगामी काळात भाजप हिंदुत्वाच्या मुद्यावर आक्रमक भूमिका घेणार असल्याची माहिती आहे.