Ganpat Gaikwad Case : जखमी महेश गायकवाडला बघण्यासाठी मुख्यमंत्री शिंदेंची रुग्णालयात धाव

Eknath Shinde News Thane :

भाजप आमदार गणपत गायकवाड यांनी केलेल्या गोळीबारात शिवसेना (शिंदे गट) कल्याण शहर प्रमुख महेश गायकवाड आणि त्यांचे साथीदार राहुल पाटील हे दोघे जखमी झाले आहेत. त्या दोघांवर ठाण्यातील जुपिटर रुग्णालयामध्ये शस्त्रक्रिया करण्यात आली आहे. गायकवाड यांची विचारपूस करण्यासाठी मुख्यमंत्री Eknath Shinde हे ठाण्यात जुपिटर रुग्णालयात पोहोचले आहेत.

गोळीबार झाल्यानंतर रात्रीच गायकवाड आणि पाटील या दोघांना रुग्णालयात आणण्यात आले. त्यानंतर त्यांच्यावर रुग्णालयात शस्त्रक्रिया करण्यात आली. ज्यावेळी गायकवाड यांना रुग्णालयात आणले. त्यावेळी रुग्णालयाच्या आवारात मोठ्या प्रमाणात शिवसैनिकांनी गर्दी केली होती.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

शनिवारी सकाळपासून गायकवाड यांची विचारपूस करण्यासाठी पुन्हा एकदा कल्याणचे खासदार श्रीकांत शिंदे, ठाणे जिल्हाप्रमुख नरेश म्हस्के आणि माजी आमदार रवींद्र पाठक यांनी रुग्णालयाकडे धाव घेतली. दरम्यान रुग्णालय प्रशासनाने गायकवाड यांची प्रकृती सध्या गंभीर तर पाटील यांची प्रकृती स्थिर असल्याचे म्हटले आहे.