Ritu Tawde black saree controversy : काळ्या साडीत महापौर तावडे; ठाकरेंच्या ‘शेरनी’चा सणसणीत पलटवार!

Nari Shakti Vandan Bill Protest : लोकसभेत भाजप नरेंद्र मोदी सरकारचे 'नारीशक्ती वंदन' विधेयक नामंजूर झाले. काँग्रेस अन् विरोधकांनी एकजूट दाखवली. भाजपने आता देशभरात विरोधकांच्या निषेध सुरू केला आहे.

मुंबईत भाजप सत्ताधारी नगरसेवक या निषेधासाठी काळे कपडे घालून, महापालिकेच्या सभागृहात निषेध केला. भाजप महापौर रितू तावडे देखील काळी साडी परिधान करून दाखल झाल्या होत्या. यावर शिवसेना उद्धव बाळासाहेब ठाकरे सेना पक्षाचे विरोधी पक्षनेता किशोर पेडणेकर चांगलच सुनावलं.

लोकसभेत आणि विधानसभेत महिलांना 33 टक्के आरक्षण मिळावे याकरीता केंद्र सरकारने आणलेले ‘नारीशक्ती वंदन’ हे घटनादुरुस्ती विधेयक लोकसभेत नामंजूर झाले. याचे मुंबई (Mumbai) महापालिका सभागृहात पडसाद उमटले. सत्ताधारी भाजपचे सर्व नगरसेवक काळ्या कपड्यांमध्ये महापालिका मुख्यालयात आले होते.

ही घटनादुरुस्ती प्रतिष्ठेची करणाऱ्या नरेंद्र मोदी (Narendra Modi) सरकारवर पराभवाची नामुष्की ओढावली. मुंबई महापालिकेच्या सभागृहातही या पराभवाचे पडसाद उमटले. मुंबई महापालिकेच्या सभागृहात सोमवारी अर्थसंकल्पावर चर्चा होणार होती. मात्र सभागृहाचे कामकाज सुरू होताच सभागृह नेते गणेश खणकर यांनी निषेधाचा ठराव मांडला. यानंतर सभागृहात सत्ताधारी आणि विरोधकांची दोन्ही बाजूने घमासान भाषणे झाली.

महापौरांची काळी साडी…

निषेधाच्या या ठरावासाठी भाजपचे सगळे नगरसेवक काळ्या रंगाचे कपडे घालून महापालिका मुख्यालयात आले होते. या वेळी महापौर रितू तावडे यांनीही काळ्या रंगाची साडी परिधान केली होती. रितू तावडे यांच्या या काळ्या रंगाच्या साडीवरून विरोधक त्यांच्यावर तुटून पडले.

पेडणेकर यांचा घणाघात

महापौरांच्या खुर्चीने कधी काळा रंग पाहिला नाही, तुम्ही तो दाखवला. महापौरांच्या मानाच्या खुर्चीवर बसून असा निषेध व्यक्त करणे योग्य नाही. आजवर कुणीही अशा प्रकारे खुर्चीवर बसून निषेध केला नव्हता, असा घणाघात विरोधी पक्षनेत्या किशोरी पेडणेकर यांनी केली आहे.