Mumbai News : नगर जिल्ह्यातील हरेगाव येथे दलित तरुणांना अर्धनग्न करून झाडाला उलटे टांगत नुकतीच (ता.२४) झालेली मारहाणीची घटना आता समोर आली आहे. ती माणुसकीला काळीमा फासणारी असल्याचे सांगत भाजपने आपल्या राजकीय फायद्यासाठी समाजात पसरवलेल्या द्वेषातून अशा घटना घडत आहेत, असा हल्लाबोल कॉंग्रेसचे (Congress) प्रदेशाध्यक्ष नाना पटोले (Nana Patole) यांनी रविवारी (ता.२७) मुंबईत केला.
हरेगावच्या घटनेतून भाजपने देशाच्या सामाजिक ऐक्याला गालबोट लावले आहे, अशी घणाघाती टीका पटोलेंनी केली. या प्रकाराचा तीव्र निषेध त्यांनी केला. राजकीय फायद्यासाठी भाजपने देशात पेरलेल्या द्वेषाच्या बीजातून देशवासियांना हे परिणाम भोगावे लागत आहेत, असे ते म्हणाले.
भाजपने (BJP) राजकीय फायद्यासाठीच हिंदू आणि मुस्लीम समाजात फूट पाडून दंगली घडवल्या. त्यानंतर भाजपने सवर्ण आणि दलितांमध्ये फूट पाडण्याचे काम सुरु केले. त्यातून भीमा कोरेगावची दंगल घडवली, असा आरोप त्यांनी केला.
राष्ट्रीय स्वयंसेवक संघ (आरएसएस) आणि भाजपशी संबंधित लोक सातत्याने मुस्लीम आणि दलितांबद्दल द्वेषाची पेरणी करत आहेत. त्यातूनच सामाजिक ऐक्याला तडे गेले असून हरेगावसारख्या घटना घडत आहेत, असा दावा पटोलेंनी केला. सरकारच्या कामगिरीवर मते मागायला तोंड नसल्याने भाजप आणि आरएसएस हे धार्मिक तेढ निर्माण करून दंगली घडवण्याचे आणि दलित अत्याचाराचे गुजरात मॉडेल महाराष्ट्रात राबवण्याचा प्रयत्न करत आहे, असा घणाघाती आरोप त्यांनी केला.
Edited by : Amol Jaybhaye
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.