शिंदे-भाजपची बहुमत चाचणी: मुनगंटीवारांनी मांडला विश्वासदर्शक प्रस्ताव

मुंबई : विधानसभा सभागृहात आज भाजप-शिंदे गटाची बहुमत (eknath shinde government)चाचणी होणार आहे. दुसरीकडे शिवसेनेच्या 16 आमदारांना शिंदे गटाकडून व्हीप बजावण्यात आला आहे.

सर्वोच्च न्यायालयाने दिलेल्या निकालामुळे व्हीपचा हा प्रश्न निर्माण झाला आहे. भाजपचे आमदार सुधीर मुनगंटीवार यांनी विश्वासाचा प्रस्ताव मांडला. या प्रस्तावावर मतविभागाची मागणी करण्यात आली. मतदानास सुरवात होत आहे. (Floor Test LIVE updates)

विधानसभेच्या कामकाजास सुरुवात. भाजपकडून सुधीर मुनगंटीवारांनी मांडला विश्वासदर्शक प्रस्ताव मांडला. शिंदे गटाने जारी केलेल्या व्हीपविरोधात शिवसेनेकडून ज्येष्ठ वकील अभिषेक मनू सिंघवी यांनी आज पुन्हा सर्वोच्च न्यायालयात धाव घेतली. विधानसभा अध्यक्षांना या व्हीपला मान्यता देण्याचा अधिकार नाही.

उद्धव ठाकरे शिवसेनेचे अध्यक्ष आहेत, असा मुद्दा त्यांनी मांडला. मात्र, 11 जुलैच्या सुनावणीतच यावर निर्णय होईल, असे न्यायालय म्हणाले. त्यामुळे व्हीपबाबत शिवसेनेला दिलासा मिळू शकला नाही.

संतोष बांगर यांनी कालच विधानसभा अध्यक्ष निवडणुकीत मविआ उमेदवार राजन साळवी यांच्या बाजूने मतदान केले होते. मात्र, आज अचानक त्यांनी आपली बाजू बदलली आहे. दुसरीकडे, बहुमत चाचणीसाठी शिवसेनेच्या सर्व आमदारांना शिंदे गटाकडून व्हीप बजावण्यात आला आहे. तर शिवसेनेकडूनही प्रतोद सुनील प्रभू यांनी सर्व आमदारांना व्हीप बजावला आहे. त्यामुळे व्हीपवरुन आजही शिंदे गट व शिवसेनेमध्ये संघर्ष पाहण्यास मिळत आहे.