Uddhav Thackeray : उद्धव ठाकरे यांच्या अडचणी वाढणार; निवडणूक आयोगाचा मोठा निर्णय

Maharashtra Political News : लोकसभा निवडणुकीच्या पाचव्या टप्प्यात मुंबईत संथ गतीने झालेल्या मतदानावर माजी मुख्यमंत्री उद्धव ठाकरेंनी आक्षेप घेत निवडणूक आयोगाला धारेवर धरले होते. त्यासाठी त्यांनी मतदान होण्यापूर्वीच पत्रकार परिषद घेऊन राज्य सरकार, केंद्र सरकारसह निवडणूक आगोयावर गंभीर आरोप केले होते. या पत्रकार परिषदेतील प्रत्येक शब्द तपासण्याचा निर्णय आता निवडणूक आयोगाने घेतला आहे. त्यामुळे उद्धव ठाकरेंच्या अडचणीत वाढ होण्याची शक्यता आहे.

राज्यातील लोकसभा निवडणूक पाचव्या टप्प्यातच पूर्ण पार पडली. या टप्प्यात देशाच्या आर्थिक राजधानीतील सहा मतदारसंघातही मतदान झाले. मुंबईत मतदानासाठी मोठ्या प्रमाणात नागरिक बाहेर पडले होते. त्यांना मात्र अनेक गैरसोयींना सामोरे जावे लागले. यावर मतदारांसह ठाकरे गटाचे प्रमुख उद्धव ठाकरे आणि आदित्य ठाकरेंनी Aaditya Thackeray प्रशासनाला जाबाबदार धरून निवडणूक आयोगाकडे बोट केले होते.

मतदान केंद्रावरील उडालेला गोंधळ, गैरसोय आणि कासव गतीवर उद्धव ठाकरेंनी Uddhav Thackeray थेट भाजपसह निवडणूक आयोगाला जबाबदार धरले. निवडणूक आयोगाला भाजपचा घरगडी संबोधत म्हणत केंद्र सरकार हल्लाबोल केला. आयोग अप्रत्यक्षपणे सत्ताधाऱ्यांना मदत करत असल्याचा आरोपही ठाकरेंनी केला होता. ठाकरेंची या पत्रकार परिषदेवर भाजपचे मुंबई अध्यक्ष अशिष शेलारांनी आक्षेप घेत निवडणूक आयोगाकडे तक्रार केली होती.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

मतदान होण्यापूर्वी ठाकरेंनी घेतलेली पत्रकार परिषदे ही मतदारांवर प्रभाव टाकणारी होती, याकडे शेलारांनी Ashish Shelar आयोगाचे लक्ष वेधत चौकशीची मागणी केली होती. त्यानुसार आयोगाने आता उद्धव ठाकेरेंची पत्रकार परिषदेची चौकशी करण्याचा निर्णय घेतला आहे. या पत्रकार परिषदेतील प्रत्येक शब्द निवडणूक आयोग तपासून पाहणार आहे. त्यामुळे ठाकरेंच्या अडचण वाढण्याची शक्यता वर्तवली जात आहे.

(Edited by Sunil Dhumal)