Mumbai News : मनसे अध्यक्ष राज ठाकरे यांनी महाराष्ट्रात पहिलीपासून हिंदी सक्तीला तीव्र विरोध दर्शवला आहे. त्यांच्या आदेशानंतर मनसेकडून हिंदीची सक्ती झाल्यास तीव्र आंदोलन करण्याचा इशाराही सरकारला देण्यात आला आहे. राज ठाकरेंच्या सोबतच्या युतीसाठी उद्धव ठाकरे आणि महायुतीतील भाजप आणि एकनाथ शिंदेंची शिवसेना आग्रही भूमिकेत असतानाच ज्येष्ठ वकील गुणरत्न सदावर्ते आणि राज ठाकरे (Raj Thackeray) आणि मनसेवर जोरदार हल्ला चढवला निवडणूक आयोगाकडे थेट मनसेवर बंदी घालण्याची मागणी केली आहे.यामुळे पुन्हा एकदा राजकीय वातावरण तापण्याची शक्यता आहे.
एकीकडे मुंबई महापालिका निवडणुकीच्या तोंडावर मनसेसोबत जुळवून घेण्यासाठी थेट मुख्यमंत्री देवेंद्र फडणवीस (Devendra Fadnavis) मैदानात उतरले असतानाच दुसरीकडे त्यांचे निकटवर्तीय म्हणून ओळखल्या जाणाऱ्या ज्येष्ठ वकील गुणरत्न सदावर्ते यांच्या राज ठाकरेंचा सडकून टीका करतानाच मनसेवर निवडणूक आयोगानं बंदी घालावी अशी मागणी केल्यामुळे भाजपसमोर नवा पेच निर्माण होण्याची शक्यता आहे.
राज ठाकरेंनी पुस्तकं जाळण्याचा प्रयत्न केला त्यांना फिरू देणार नसल्याचा इशारा सदावर्तेंनी दिला होता. याचदरम्यान,त्यांनी राज ठाकरे गल्लीतील नेते असल्याची टीकाही केली होती जी मनसेच्या चांगलीच जिव्हारी लागली होती. यानंतर मनसे आणि सदावर्तेंमध्ये जुंपल्याचे दिसून येत आहे.
सदावर्ते यांनी राज ठाकरे यांच्याविरोधात तक्रारही दाखल केल्यानंतर मनसेकडून गुणरत्न सदावर्तेंना धमकीही देण्यात आली आहे. याची एक ऑडिओ क्लिप देखील समोर आली होती. राज ठाकरे यांच्याबद्दल तुम्ही चुकीचं विधान कसं करता असा जाब या कार्यकर्त्याने त्यांना विचारला आहे.
मात्र, यानंतरही सदावर्तेंची टीकात्मक विधानं सुरुच असल्याचं पाहून या कार्यकर्त्याने थेट त्यांना उद्या तुमच्या घरावर हल्ला झाला तर त्याला जबाबदार तुम्हीच असाल अशी धमकी दिली आहे. याचवेळी या कार्यकर्त्यानं थेट गाडी फोडण्याची धमकी सदावर्तेंना दिली आहे.
आता पुन्हा एकदा अॅडव्होकेट गुणरत्न सदावर्तेंनी राज ठाकरे आणि त्यांच्या मनसेला डिवचलं आहे. ते म्हणाले,'राज ठाकरे किंवा उद्धव ठाकरे ही जोडगोळी आहे. राज ठाकरे यांची निंदा किती करावी, तेवढी कमी आहे. काय बोलायचं? मनसे पक्ष बोलतोय नागरिकांना ज्ञानार्जनापासून थांबवा असा घणाघातही त्यांनी केला.
यावर गुणरत्न सदावर्तेंनी राज ठाकरेंना थेट चँलेजच देत हिंदी बोलेंगे, हिंदी पढेंगे, कोई रोक सके तो रोकलो..हिंदी भाषा शिकण्यात वाईट काय?’ असा संतप्त सवाल करत घेरलं आहे. राज ठाकरे यांच्या बुडाला गुदगुल्या होत आहेत. आता निवडणूक आयोगानं मनसे या पक्षाला बंदी घातली पाहिजे. शिक्षण हे वाघिणीचे दूध आहे.जो जो ज्ञानाच्या आड येईल, त्याच्यावर कारवाई झाली पाहिजे अशी मागणीही त्यांनी केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.