Ganesh Naik News : आगामी महापालिका निवडणुकीच्या पार्श्वभूमीवर मंत्री गणेश नाईक आणि उपमुख्यमंत्री एकनाथ शिंदे यांच्यामध्ये वाद निर्माण झाला आहे. ठाणे महापालिका आम्ही स्वबळावर जिंकू शकतो, असे आवाहन नाईकांनी शिंदेंना दिले होते. त्यानंतर शिंदेंच्या शिलेदांनी नाईकांना प्रत्युत्तर दिले. मात्र, नवी मुंबईच्या एका कार्यक्रमात नाईकांनी थेट 'या नालायक लोकांच्या हातात सत्ता गेली ना तर हे वाट लावून टाकतील. वाटोळं झालं समाजा या शहराचं.', असं म्हणत शिंदेंचे नाव न घेता निशाणा साधला.
नवी मुंबई महापालिकेत खासदार श्रीकांत शिंदे यांच्या कल्याण-डोंबिवली मतदारसंघातील 14 गावांचा समावेश करण्यात आलेला आहे. त्याला नाईक कडाडून विरोध करत आहेत. 'ते म्हणाले, मुख्यमंत्री साहेबांना सांगितलं आहे की ही १४ गावं आम्हाला नको आहेत. मुख्यमंत्र्यांनी सांगितलं. निवडणूक लागली आहे आता निवडणूक झाल्यानंतर सहा महिन्यांना त्यांना बाहेर काढू.'
'ही गावं निश्चित बाहेर निघतील. कोणाच्या तरी लहरीतून तयार झालेल्या बोज आम्ही आमच्या जनतेवर का टाकू.', असा टोला देखील नाईक यांनी शिंदेंना नाव न घेता लगावला.
नाईकांच्या या टीकेला शिवसेनेचे मंत्री उदय सामंत यांनी प्रत्युत्तर दिले आहे. ते म्हणाले, 'त्यांनी (गणेश नाईक) हे सगळं बोलत असताना माननीय मुख्यमंत्रीसाहेबांना मान्य आहे हे विचारून घ्यावं. मग आरोप प्रत्यारोप करावेत. ते म्हणालेत की नालायकांच्या हाती सत्ता देऊ नये. नवी मुंबईची जनता त्यांच्या हातामध्ये सत्ता देणार नाही. त्यामुळे नालायक कोण आहे याचा त्यांनी विचार करावा.'
खासदार नरेश म्हात्रे यांनी देखील गणेश नाईक यांच्यावर टीका करताना म्हटले की, 'आपण ज्येष्ठ आहात म्हणून आम्ही तुमचा मान राखतो. पण बोलताना भान ठेवा. आमचे कार्यकर्ते जर पलटवार करू लागले तर तुम्हालाच यातना होतील. लायक कोण नालायक कोण हे वेळोवेळी नवी मुंबईच्या जनतेने दाखवून दिलेले आहे. आम्ही त्यांच्या ज्येष्ठत्वाचा मान या ठिकाणी ठेवतोय. त्यामुळे आमच्या तोंडून अपशब्द येणार नाही. परंतु आपण बोलताना बोलण्याचे भान ठेवा.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.