Mumbai News, 19 Oct : मुंबई एसटी बँकेच्या संचालक मंडळाच्या बैठकीत बुधवारी मोठा राडा झाल्याच्या बातम्या समोर आल्या होत्या. वकील गुणरत्न सदावर्ते आणि शिंदेंच्या शिवसेनेच्या कार्यकर्त्यांमध्ये हा वाद झाला होता. ज्याचे व्हिडिओ सोशल मीडियावर व्हायरल झाले होते.
दरम्यान, या राड्यानंतर आता वकील गुणरत्न सदावर्ते यांनी आमचा उपमुख्यमंत्री एकनाथ शिंदेंसोबत वाद नसून आमचं मनोमिलन आहे. पण माध्यमांनी चुकीच्या बातमी चालवल्या असं म्हटलं. याचवेळी त्यांनी आमचा पंडित नथुराम गोडसेंना मानणाऱ्या आनंद दिघेंचा आणि एकनाथ शिंदेंचा डीएनए एक असल्याचं वादग्रस्त वक्तव्य केलं आहे.
राष्ट्रपिता महात्मा गांधींची हत्या करणाऱ्या व्यक्तीला आदराने आणि पंडित अशी उपमा दिल्यामुळे आणि नथुराम गोडसे, उपमुख्यमंत्री एकनाथ शिंदे आणि आमचा डीएनए एक आहे, असं वक्तव्य सदावर्ते यांनी केल्यामुळे आता नव्या वादाला तोंड फुटण्याची शक्यता आहे. दिवाळीनिमित्त एका वृत्तवाहीनीला दिलेल्या मुलाखतीत त्यांनी हे वादग्रस्त वक्तव्य केलं आहे.
मुंबई एसटी बँकेतील राड्या प्रकरणावर प्रतिक्रिया देताना वकील सदावर्ते म्हणाले, एकनाथ शिंदेंचे आम्ही चाहते असून आमचा वाद नाही तर आमचं मनोमिलन आहे. पण माध्यमांनी चुकीच्या बातमी दाखवल्या. पंडीत नथुराम गोडसे यांच्या विचारांसाठी आनंद दिघे कोर्टात लढले होते त्यामुळे आनंद दिघे, एकनाथ शिंदे आणि आमचा डिएनए एकच आहे.
शिवाय हे फक्त मनोमिलन नाही तर आमचा वैचारीक DNA एकच आहे. कारण आनंद दिघे साहेबांनी हाय कोर्टात पीटीशन दाखल करत पंडित नथुराम गोडसेंचा विचार मारला जाऊ नये यासाठी लढा दिला होता. त्यामुळे जे दिघे साहेबांचे समर्थक आहेत त्यांच्यापासून आम्ही विभक्त होऊ शकत नाही.
कारण दिघे गोडसेंना मानतात आणि दिघेंना एकनाथ शिंदे मानतात आम्ही एकनाथ शिंदे आणि नथुरामला मानतो त्यामुळे आम्ही एक आहोत, असं सदावर्ते यांनी म्हटलं आहे. तर यावेळी त्यांना महात्मा गांधींची हत्या करणाऱ्या माणसाला तुम्ही पंडित कसं म्हणू शकता? असा प्रश्न विचारला.
त्यावर ते म्हणाले, मी हत्येचं समर्थन करत नाही किंवा हिंसेचं समर्थन करत नाही. पण पंडित नथुराम गोडसेंच्या अखंड हिंदू भारताचा विचार पुन्हा एकदा लाभावा. त्यामुळे आता त्यांच्या या वक्तव्यावर शिंदेंची शिवसेना नेमकी काय प्रतिक्रिया देणार हे पाहणं महत्वाचं ठरणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.