Sharad Pawar leader riot case: जितेंद्र आव्हाडांवर दंगल घडवल्याचा आरोप : पुणे कोर्टाचा महत्त्वाचा निकाल

Pune News : फर्ग्युसन महाविद्यालयातील 2016 च्या विद्यार्थी संघर्ष प्रकरणात आमदार जितेंद्र आव्हाड त्यांच्याबाबत पुणे सत्र न्यायालयात सुरू असलेल्या खटल्या प्रकरणात आता महत्त्वाचा निर्णय न्यायालयाने दिला आहे. या प्रकरणात आव्हाड यांच्याविरोधात भारतीय दंड संहितेनुसार बेकायदा जमाव जमविणे, दंगल माजविणे, इतरांचे जीवित किंवा सुरक्षितता धोक्यात आणणे आदी कलमांनुसार डेक्कन पोलिस ठाण्यात गुन्हा दाखल करण्यात आला होता.

काय होती घटना

23 मार्च 2016 रोजी फर्ग्युसन कॉलेजमध्ये अखिल भारतीय विद्यार्थी परिषद (एबीव्हीपी) कार्यकर्ते आणि आंबेडकरवादी-डाव्या विचारसरणीच्या कार्यकर्त्यांमध्ये वाद झाला. हा वाद दलित विद्यार्थी रोहित वेमुला यांच्या आत्महत्येनंतर आणि जेएनयूतील कथित देशविरोधी घोषणांमुळे पेटला होता.

एनएसयूआय कार्यकर्त्यांसोबत आव्हाड कॉलेजमध्ये गेले. तेव्हा विरोधकांनी त्यांच्यावर दगड, बाटल्या व चपला फेकल्या. पोलिसांनी त्यांची सुटका केली. या प्रकरणात आव्हाड यांच्याविरोधात भारतीय दंड संहितेनुसार बेकायदा जमाव जमविणे, दंगल माजविणे, इच्छापूर्वक दुखापत पोहचविणे, इतरांचे जीवित किंवा सुरक्षितता धोक्यात आणणे आदी कलमांनुसार डेक्कन पोलिस ठाण्यात गुन्हा दाखल करण्यात आला होता.

याप्रकरणात प्रथमवर्ग न्यायदंडाधिकारी न्यायालयाने जितेंद्र आव्हाड (Jitendra Awahad) यांना दोषमुक्त करण्यात नकार दिला होता. याविरोधात आव्हाड यांनी अॅड. हर्षद निंबाळकर यांच्या माध्यमातून सत्र न्यायालयात फौजदारी फेरविचार अर्ज दाखल केला.

बचाव पक्षाने युक्तिवाद केला की, आव्हाड पीडित असूनही चुकीने आरोपी ठरवले गेले. न्यायालयाने हा युक्तिवाद मान्य करत आव्हाड यांना सर्व आरोपांमधून निर्दोष सोडले. यामुळे त्यांना मोठा दिलासा मिळाला.