Nana Patole on Ayodhya : मी हिंदू आहे, आयोध्येला जाणार; नाना पटोलेंच्या वक्तव्याने चर्चांना उधाण

Maharashtra Politics : मुख्यमंत्री एकनाथ शिंदे यांच्या अयोध्या दौऱ्याची तारीख निश्चित झाली आहेत. मुख्यमंत्री ६ एप्रिल २०२३ रोजी अयोध्या दौऱ्यावर जाणार आहेत. त्यावर मी हिंदू आहे. आम्हीपण आयोध्याला जाणार, असे काँग्रेसचे प्रदेशाध्यक्ष नाना पटोले यांनी केले आहे. त्यांच्या विधानावरून राजकीय वर्तुळात विविध चर्चांना उधाण आले आहे.

नाना पटोले (Nana Patole) यांना पत्रकार परिषदेत मुख्यमंत्री आयोध्या दौऱ्यावर जाणार आहेत, त्यावर प्रश्न विचारण्यात आले. त्यावेळी पटोले म्हणाले की, मी हिंदू आहे. आम्ही पण आयोध्याला जाणार आहे. एकनाथ शिंदे अयोध्या दौऱ्याबाबत आठवड्यापासून चर्चा सुरू होती. आता त्यांचा दौरा ठरला आहे. त्यानुसार ते येत्या ६ एप्रिल रोजी आयोध्या दौऱ्यावर जाणार आहेत. त्यांच्यासोबत शिवसेनेचे आमदार-खासदारही असणार आहेत.

याबाबत मुख्यमंत्री एकनाथ शिंदे (Eknath Shinde) म्हणाले की, "अयोध्येतील महंतांनी निमंत्रण दिले आहे. त्या आमंत्रणाचा मान ठेवून मी जाणार आहे. त्यानुसार हा दौरा ठरला आहे." दरम्यान, उद्धव ठाकरे मुख्यमंत्री झाल्यानंतर अयोध्या दौऱ्यावर गेले होते. त्यावेळी शिवसेनेकडून अयोध्येत शक्तिप्रदर्शन केले होते.

दरम्यान, राहुल गांधींनी (Rahul Gandhi) सावकरकरांबद्दल केलेल्या वक्तव्यांवरून शिवसेनेकडून (ठाकरे गट) नारजी व्यक्त करण्यात आली आहे. मालेगाव येथे झालेल्या जाहीर सभेतून उद्धव ठाकरे यांनी राहुल गांधींना इशारा दिला आहे. ते म्हणाले की "स्वातंत्र्यवीर सावरकर हे आमचे दैवत आहे. त्यामुळे त्यांचा अपमान कधीही सहन करणार नाही. आपण देशातील लोकशाही वाचवण्यासाठी एकत्र आलो आहोत. त्याला फाटे फोडण्याचे काम करू नका."

आज काँग्रेस अध्यक्ष मल्लिकार्जुन खरगे (Mallikarjun Kharge) यांनी त्यांच्या निवासस्थानी विरोधकांच्या बैठकीचे आयोजन केले होते. त्यावर संजय राऊत म्हणाले, राहुल गांधी सावरकरांचा वारंवार आपमान करीत आहेत. त्याचा निषेध म्हणून या बैठकीला आमचा एकही नेता उपस्थित राहणार नाही." यावरून राज्यातील महाविकास आघाडीत बिघाडी होण्याची शक्यता निर्माण झाल्याचे राजकीय वर्तुळात चर्चा आहे.

राहुल गांधी वारंवार सावरकरांचा आपमान करत असून ठाकरे काँग्रेसच्या मांडीला मांडी लावून कसे काय बसतात? हिंदुत्वासाठी त्यांनी महाविकास आघाडीतून बाहेर पडावे, असे आवाहन भाजपने केले आहे. तसेच मुख्यमंत्री एकनाथ शिंदेंनीही ठाकरेंनी हिंदुत्व सोडल्याची टीका केली. त्यावर भाजप महाविकास आघाडीत मतभेद करण्याचा प्रयत्न करीत आहे. त्याला आम्ही बळी पडणार नाही, असे पटोले म्हणाले होते. त्यानंतर त्यांनी मी हिंदू असून आयोध्यालाही जाणार, असे पटोले म्हणाले. त्यामुळे पटोले महाविकास आघाडी टिकविण्यासाठी हे वक्तव्य केले का, अशी चर्चा आता सुरू झाली आहे.