Nitin Deshmukh Join BJP : गोपीचंद पडळकरांना नडणारा जितेंद्र आव्हाडांचा कट्टर कार्यकर्ता भाजपच्या गळाला

Nitin Deshmukh News : विधीमंडळाच्या अधिवेशनावेळी आमदार जितेंद्र आव्हाड यांचा कार्यकर्ता नितीन देशमुख आणि भाजप आमदार गोपीचंद पडळकर यांच्यातील राडा सगळ्या महाराष्ट्राने पाहिला.विधीमंडळाच्या आवरात देशमुख यांना पडळकरांच्या कार्यकर्त्यांनी मारहाण देखील केली. या प्रकरणी पोलिसात तक्रार करण्यात आली. मात्र, भाजप आमदाराला नडणाऱ्या नितीन देशमुख यांना भाजपने थेट पक्षात एंन्ट्री दिली आहे.

नितीन देशमुख यांनी आशिष शेलार यांच्या उपस्थितीमध्ये भाजपमध्ये प्रवेश केला. देशमुख हे मुंबई महापालिका निवडणुकीच्या रिंगणात उतरण्याची शक्यता होती. मात्र, आरक्षण आणि इतर कारणाने त्यांची पत्नी विक्रोळी वाॅर्ड क्रमांक 124 मधून निवडणूक लढण्यास इच्छुक होती.

राष्ट्रवादी शरदचंद्र पवार पक्षाची मनसे आणि उद्धव ठाकरेंच्या शिवसेनेसोबत युती आहे. त्यामुळे हा राष्ट्रवादी काँग्रेस शरदचंद्र पवार पक्षाला मिळू शकला नाही. त्यामुळे नितीन देशमुख हे नाराज होते. त्यामुळे त्यांनी थेट राजीनामा देत भाजपमध्ये प्रवेश केला.

जितेंद्र आव्हाडांचे कट्टर समर्थक नितीन देशमुखांनी अखेर पक्षांतर केले. विधान भवनातील मारामारी प्रकरणामुळे ते चर्चेत आले होते. वॉर्ड क्रमांक 124 विक्रोळी पार्कसाईटमधून पत्नी प्रियांका देशमुख यांच्यासाठी इच्छुक होते. मात्र हा वॉर्ड दुसऱ्या गटाला सुटल्याने नाराजीनंतर आशिष शेलार यांच्या उपस्थितीत त्यांनी प्रवेश केला.

अन्याय झाल्याची भावना...

नितीन देशमुख हे राष्ट्रवादी काँग्रेस शरदचंद्र पवार पक्षाचे प्रवक्ते होते. त्यांनी प्रदेशाध्यक्ष शशिकांत शिंदे यांच्याकडे आपला राजीनामा दिला आहे. त्यामध्ये म्हटले आहे की, निवडणुकीसाठी मी तयारीने पुढे आलो होते. त्या टप्प्यावर माझ्या प्रयत्नांकडे अपेक्षित गांभीर्याने न्यायतेने पाहिले नसल्याची भावना मनात दृढ होत गेली. या संपूर्ण प्रक्रियेत मला अन्याय झाल्याची तीव्र जाणीव आहे.