Kalyan News: कल्याण लोकसभा मतदारसंघात (Kalyan Lok Sabha Constituency 2024) महायुतीचे उमेदवार खासदास श्रीकांत शिंदे (Shrikant Shinde) यांची लढत शिवसेना ठाकरे गटाच्या कल्याण लोकसभेतील उमेदवार वैशाली दरेकर (Vaishali Darekar) यांच्यासोबत होत आहे.
श्रीकांत शिंदे आपल्या खासदारकीचा कार्यअहवाल आज प्रकाशित करणार आहेत. त्यावरून वैशाली दरेकर यांनी त्यांची खिल्ली उडवली आहे.
"डोंबिवलीत विकास तर काय झालेला दिसत नाही. त्यांनी कार्य अहवाल छापलेला आहे. तो ज्यावेळी बाहेर पडेल, सगळ्यांसमोर प्रकाशित होईल. तेव्हा आम्हालाही कळेल की त्यांनी विकास काय केला ते, अजून तरी आम्हाला तो कुठे दिसत नाही. कार्य अहवालात विकास कोणता दाखवतात ते अहवाल प्रसिद्ध झाल्यानंतरच स्पष्ट होईल," असे दरेकर म्हणाल्या.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
कल्याण लोकसभा मतदारसंघाचे खासदार डॉ.श्रीकांत शिंदे यांनी गेल्या दहावर्षाच्या कालावधीत मतदारसंघात केलेल्या विकासकामांचा सविस्तर लेखाजोखा कार्य अहवालाच्या माध्यमातून प्रसिद्ध करण्यात येणार आहे.
'विकासदशक-दहा वर्ष प्रगतीची, कल्याणच्या समृद्धीची' या कार्य अहवालाचा प्रकाशन सोहळा मुख्यमंत्री एकनाथ शिंदे यांच्या उपस्थितीत आज संध्याकाळी डोंबिवलीमध्ये होणार आहे.
Edited by: Mangesh Mahale
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.