राऊत हे बोलवते धनी, उद्धव ठाकरे हेच मास्टरमाईंड ; सोमय्यांचा पुन्हा हल्लाबोल

मुंबई : हवाला ऑपरेटर नंदकिशोर चतुर्वेदी (Nandkishor Chaturvedy) याला कुठे लपवलं आहे याची माहिती जनतेला द्यावी अशी मागणी करत भाजपचे नेते किरीट सोमय्या (Kirit Somaiya)यांनी ठाकरे कुटुंबियांनी नंदकिशोर चतुर्वेदीसोबत मनी लॉन्ड्रींग केलं आहे का? असा सवाल उपस्थित केला आहे. सोमय्यांनी आज पुन्हा मुख्यमंत्री ठाकरेंवर (Uddhav Thackeray)निशाणा साधला आहे.

''श्री जी होम्समध्ये आलेले पैसे हे शेल कंपनीतून आले आहेत, हे पैसे बेनामी असल्याबाबत ईडी आणि आयटीच्या अधिकाऱ्यांशी चर्चा केली, बेनामी संपत्ती घोषित करून श्री जी हाऊस बांधण्यात आलंय ती संपत्ती अटॅच करावी, '' असे सोमय्या म्हणाले. ते पत्रकार परिषदेत बोलत होते.

किरीट सोमय्या म्हणाले, ''श्री जी होम्सचा खरा मालक कोण , हे लपवण्यासाठी लेयर तयार करण्यात आल्या, मनी लॉड्रींग प्रकरणी ईडीने कारवाई करावी असं आश्वासन दिल आहे. आदीत्य ठाकरेंचा ७ कोटींचा कोमोस्टॅाक एक्सचेंजचा घोटाळा आहे. संजय राऊत हे ठाकरे सरकारचे प्रवक्ते आहेत, संजय राऊत हे बोलवते धनी असून मुख्यमंत्री उद्धव ठाकरे हेच मास्टरमाईंड आहेत,''

''माझ्यावर पीएपी लाटल्याचा आरोप केला, एकही आरोप सिद्ध झाला नाही, किरीट सोमय्या, मेधा सोमय्या, निल सोमय्या यांना फसवण्याचा प्रयत्न केला जाते आहे, माझ्यावरील एकही पुरावा दिला नाही,'' असे सोमय्या म्हणाले. ''मी जेवढे घोटाळे बाहेर काढले त्यांना सगळे पुरावे दिले आहेत. उद्धव ठाकरे हिम्मत असेल तर माझ्याशी आमने सामने चर्चा करा, माझं चॅलेंज आहे,''असे सोमय्यांची सांगितले.