मुंबईः शिवसेना ठाकरे गटाचे पक्षप्रमुख उद्धव ठाकरे यांचे अत्यंत विश्वासू समजले मिलिंद नार्वेकर (Milind Narvekar) यांच्याबाबत माध्यमात अनेक दिवसांपासून चर्चा होत आहे. नार्वेकर ठाकरेंच्या शिवसेनेत नाराज असल्याचेही बोलले जाते. आता नार्वेकर यांनी केंद्रिय मंत्री अमित शहा यांच्या वाढदिवसानिमित्त शुभेच्छा देणारे ट्विट केले आहे. यामुळे नार्वेकरांच्याबद्दल उलट सुलट चर्चांना सुरूवात झाली. यावर शिवसेना नेत्या किशोरी पेडणेकर यांनी प्रतिक्रिया दिली आहे.
यावेळी मिलिंद नार्वेकर हे शिवसेनेवर नाराज असलेल्या सर्व चर्चांना, शक्यतांना पेडणेकरांनी फेटाळून लावल्या. शिंदेंच्या गटाला आता तसे काही काम राहिलं नाही. त्यामुळे त्यांच्याकडून हा नाराज, तो नाराज, तो महाराज.. अशा अफवा ते पसरवले जातात, असं पेडणेकर म्हणाले.
दरम्यान, नुकतीच मुंबई क्रिकेट असोसिएशनची निवडणूक पार पडली. वानखेडे स्टेडियमवर आयोजित करण्यात आलेल्या स्नेहभोजनासाठी मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस (Devendra Fadnavis), राष्ट्रवीदीचे अध्यक्ष शरद पवार (Sharad Pawar), आमदार जितेंद्र आव्हाड यांच्यासोबत मिलिंद नार्वेकर एकत्र आलेले होते. मागील चार महिन्यातील राजकीय घडामोडीनंतर पहिल्यांदाच हे सर्व नेते एकत्र दिसले.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.