Raj Thackeray Panvel Speech: फोडाफोडी न करता पक्ष उभा करायला शिका; राज ठाकरेंनी फडणवीसांनाच सुनावले

Panvel News : महाराष्ट्र नवनिर्माण सेनेचा पनवेल इथे निर्धार मेळावा पार पडत आहे. यावेळी अध्यक्ष राज ठाकरे यांनी मनसेच्या कार्यकर्त्यांना संबोधित केले. यावेळी महाराष्ट्रात सुरू असलेल्या फोडाफोडीचं राजकारणही त्यांनी भाष्य केलं आहे. भाजप - राष्ट्रवादीच्या नव्या सत्तासमीकरणावरही त्यांनी सडकून टीका केली आहे. (Latest Marathi News)

राज ठाकरे म्हणाले, "भारतीय जनता पक्षाने दुसऱ्यांचे आमदार न फोडता स्वत:च्या जीवावर पक्ष उभा करायला ही शिकावा. लोकांच्या कानपट्टीवर बंदुका ठेवायच्या आणि पक्षात ओढून आणायचे आणि तीच लोकं नंतर गाडीत आतमध्ये झोपून जाणार, काय चाललंय? महाराष्ट्रात निर्लज्जपणाचा कळस सुरू आहे, अशा शब्दात राज यांनी उपमुख्यमंत्री देवेंद्र फडवणीसांवर निशाणा साधला.

"सरकारमध्ये जाण्याआधी अजित पवारांचीपंतप्रधान मोदींनी जे काही काढले आहे, म्हणजे मोदींनी ७० हजार कोटींचा घोटाळ्याचा आरोप करताच, हे सगळे टुनकन उडी मारून भाजपसोबत गेले," अशा शब्दात राज यांनी भाजपसोबत राष्ट्रवादी काँग्रेसचाही समाचार घेतला.

राज ठाकरे पुढे म्हणाले, "२००७ मध्ये मुंबई-गोवा महामार्गाचं काम सुरु झालं. त्यानंतर इतकी सरकारे आली पण कोणत्याही सरकारने मुंबई- गोवा रस्त्याचं काम केलं नाही. इतक करूनही जनता त्याच लोकांना कशी निवडून देते ? रस्ते खड्ड्यात गेले काय आणि आपण खड्ड्यात गेलो काय मतदारांना काहीच वाटत नाही?"

"आत्तापर्यंत मुंबई गोवा महामार्गावर खर्च झालेला पैसा १५ हजार ६६६ कोटी रुपये आहे. तरीही या रस्त्याची गंभीर अवस्था आहे. फक्त काहींच्या तुंबड्या भरल्या गेल्या. मी नितीन गडकरींना विनंती केली होती की, जर राज्य सरकारला जमत नसेल तर तुम्ही घ्या तर, ते म्हणाले की 'अहो कॉन्ट्रॅक्टर पळून जातात.' हे नेमकं मुंबई गोवा हायवेच्या बाबतीतच का घडलं? कोकणाचा विकास होऊ नये म्हणून कोणी प्रयत्न करतंय का?" अशी शंकाही राज ठाकरेंनी उपस्थित केली.