Love Jihad Act : हिवाळी अधिवेशनात येणार लव्ह जिहाद विरोधी कायदा?

Love Jihad Act : राज्य विधिमंडळाचं उपराजधानी नागपूर येथे हिवाळी अधिवेशन (Winter Session) १९ डिसेंबरपासून सुरू होणार आहे. कोरोनाकाळानंतर जवळपास तीन वर्षांनंतर हिवाळी अधिवेशन होत आहे. सीमावाद, सत्तासंघर्षावर, महापालिका निवडणूक अशा विविध मुद्द्यांवर हे अधिवेशन वादळी ठरण्याची शक्यता आहे. याच अधिवेशनात लव्ह जिहादविरोधी विधेयक आणण्याची तयारी सुरू असल्याची समजते आहे. त्यामुळे आता या विधेयकावर जोरदार घमासान घडून येण्याची चिन्हे दिसत आहेत.

लव्ह जिहादच्या मुद्दा हा नेहमीच भाजपाच्या अजेंड्यावर रआहे. लव्ह जिहाद संदर्भात अनेक आमदार, आक्रमक भूमिका घेतली आहे. लव्ह जिहाद घडत असल्याचा दावा अनेक भाजपतच्या नेत्यांनी केला आहे. नुकत्याच घडलेल्या लिव्ह इन रिलेशनमध्ये असणाऱ्या श्रद्धा वालकर या तरुणीची खून लव्ह जिहादचा प्रकार असल्याचा दावा अनेकांकडून करण्यात आला. अशा घटना यापुढे घडू नयेत आणि यास पायबंद पडावा, यासाठी हा कायदा आणण्याची गरज असल्याची मागणी होत आहे. आळा घालण्यासाठी लव्ह जिहादविरोधात कायदा आणण्याची मागणी होत आहे.

यासाठी भाजपकडून पावलं उचलणयात येत आहेत लव्ह जिहादविरोधी विधेयक विधिमंडळाच्या पटलावर येणार असल्याची शक्यता आहे. या कायदासंबंधी भाजप आमदार नितेश राणे अभ्यास करत आहेत. तसेच भाजप नेत्या चित्रा वाघ या कायाद्यासाठी आग्रही आहेत.