Uddhav Thackeray News: मुख्यमंत्री एकनाथ शिंदे (Eknath Shinde) यांच्याविरोधात हक्कभंग मांडला जावा, अशी मागणी विरोधकांकडून करण्यात येत आहे. मुख्यमंत्र्यांविरोधात विरोधात हक्कभंग दाखल करण्यात यावा, अशी मागणी विधान परिषेदेतील विरोधीपक्षनेते अंबादास दानवे (Ambadas Danve) यांनी केली आहे.
विधान परिषदेत विरोधी पक्षनेते अंबादास दानवे यांनी यावर बोलतांना, मुख्यमंत्री एकनाथ शिंदे (Eknath Shinde) यांनी विरोधकांच्या चहापान बहिष्कारावरून त्यांना देशद्रोही संबोधले होते, हा मुद्दा उपस्थित केला. संजय राऊतांच्या विरोधात हक्कभंग आणणार असला तर मग मुख्यमंत्र्यांनी विरोधकांना देशद्रोही, महाराष्ट्रद्रोही म्हटले, त्याची देखील चौकशी झाली पाहिजे, त्यांच्यावरही चौकशी करा, असा पवित्रा दानवेंनी घेतला.
यावर उपमुख्यमंत्री फडणवीसांनी एकाने गाय मारली म्हणून आपण वासरू मारायचे का? असा सवाल केला. त्यानंतर विधान परिषदेचे कामकाज दिवसभरासाठी तहकूब करण्यात आले. तत्पुर्वी दानवे म्हणाले, चहापानावर बहिष्कार टाकण्याचा विरोधी पक्षाला संविधानिक अधिकार आहे.अंबादास दानवे यांनी उपसभापती नीलम गोऱ्हे यांना यासंदर्भातलं पत्र लिहलं आहे.
विधान परिषेदेत विरोधी पक्ष असलेल्या काँग्रेस, राष्ट्रवादी व ठाकरे गटाकडे बहुमत आहे. त्यातच उपसभापती नीलम गोऱ्हे आहेत. यामुळे मुख्यमंत्री एकनाथ शिंदे यांच्याविरोधात हक्कभंगाचा प्रस्ताव मांडला जाण्याची शक्यता आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.