Maharashtra Bhushan Award : ज्येष्ठ निरूपणकार आप्पासाहेब धर्माधिकारी यांना यंदाचा महाराष्ट्र भूषण पुरस्कारानं सन्मानित करण्यात आलं आहे. केंद्रीय गृहमंत्री अमित शाह (Amit Shaha) यांच्या हस्ते व मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस आणि सांस्कृतिक कार्यमंत्री सुधीर मुनगंटीवार यांच्यासह विविध नेतेमंडळींनी उपस्थितीत आप्पासाहेब धर्माधिकारी यांना महाराष्ट्र भूषण पुरस्कार पुरस्कार प्रदान करण्यात आला.
हा सोहळा नवी मुंबई येथील खारघरमधील सेंट्रल पार्क मैदानावर दिमाखात पार पडला. हा कार्यक्रम पार पडत असताना, या कार्यक्रमात दुर्दैवी घटना समोर आली आहे.
या पुरस्कारासाठी लाखो लोक उपस्थित होते. यामध्ये अनेक ज्येष्ठ लोकही उपस्थित होते. कार्यक्रम उन्हात भर दुपारी असल्यामुळे अनेक जणांना यावेळी उष्माघाताचा त्रास झाला. यानंतर अनेक नागरिकांना रुग्णालयात दाखल करण्यात आले. मात्र, त्यामध्ये सात ते आठ जणांचा उष्माघातामुळे मृत्यू झाल्याची माहिती मुख्यमंत्री एकनाथ शिंदे यांनी दिली. अजूनही अनेक जण रुग्णालयात दाखल आहेत. त्यामध्ये अनेक जणांची प्रकृती गंभीर असल्याचीही माहिती मिळत आहे.
दरम्यान, सात ते आठ जणांचा उष्माघातामुळे मृत्यू झाल्याची माहिती मुख्यमंत्र्यांनी दिली असली तरी, अनेक जण उष्माघातामुळे गंभीर अवस्थेत रूग्णालयात दाखल असल्याची माहिती आहे. आता मृतांच्या नातेवाईकांना मुख्यमंत्र्यांकडून पाच लाखाची मदत जाहीर करण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.