DBT Assistance: चारा छावण्यांऐवजी शेतकऱ्यांना थेट डीबीटीद्वारे मदत? यापूर्वीच्या अनुभवांमुळे राज्य सरकारकडून नव्या व्यवस्थेचा विचार

Maharashtra drought: संभाव्य पाणीटंचाईमुळे जनावरांसाठी चारा छावण्या सुरू करण्याची मागणी जोर धरू लागली आहे. मात्र, भूकाळातील चारा छावण्यांतून गैरव्यवहार आणि थकीत बिलांचा वाईट अनुभव पाहता, आता छावण्यांऐवजी थेट पशुपालकांच्या बँक खात्यात थेट लाभ हस्तांतराद्वारे (डीबीटी) मदत जमा करावी, अशी मागणी आज झालेल्या मंत्रिमंडळ बैठकीत करण्यात आली.

जलसंपदा मंत्री राधाकृष्ण विखे-पाटील यांनी चारा छावण्यांचा विषय बैठकीत उपस्थित केला. “चारा छावण्यांना सरकारकडून मोठ्या प्रमाणात मदत दिली जाते; मात्र तेथे अनियमितता आणि भ्रष्टाचाराचे गंभीर आरोप होतात. त्यामुळे या वेळी छावण्यांऐवजी थेट 'डीबीटी'चा विचार करावा,” अशी सूचना त्यांनी केली. काही मंत्र्यांनीही या सूचनेला दुजोरा दिला.

गांभीर्याने विचार सुरू

तब्बल दहा वर्षांपूर्वीच्या छावण्यांची विलेखीत तपासणी अभावी अजून प्रलंबित आहेत. जिल्हाधिकाऱ्यांचे अहवाल लक्षात घेता, पुढील काळात छावण्यांऐवजी पशुपालकांच्या खात्यावर थेट निधी वर्ग (डीबीटी) करण्याबाबत सासन गांभीर्याने विचार करत आहे, अशी माहिती मदत व पुनर्वसन मंत्री मकरंद जाधव-पाटील यांनी दिली.

दीडशे आमदारांचे पत्र

राज्यभरातील शेतकरी दुष्काळामुळे हतबल झाल्याचे चिन्ह राज्यभरात आहे.त्यामुळे विरोधी पक्ष आणि शेतकरी संघटनांसोबतच आता सत्ताधारी व विरोधी अशा जवळपास १५० आमदारांनी कृषिमंत्र्यांना पत्र देऊन राज्यात तातडीने दुष्काळ जाहीर करण्याची मागणी केली आहे.