Urban local body polls Maharashtra : नगरपरिषदा व नगरपंचायतींच्या सार्वत्रिक निवडणुकीत निवडणूक निर्णय अधिकाऱ्यांच्या निर्णयाविरुद्ध अनेक ठिकाणी जिल्हा न्यायालयात अपील करण्यात आले होते. या प्रकरणांसंदर्भात २३ नोव्हेंबर किंवा त्यानंतर निर्णय आलेल्या २४ अध्यक्षपदांच्या आणि विविध ठिकाणच्या १५४ सदस्यपदाच्या जागांवरील निवडणुकांची प्रक्रिया अपील कालावधीनंतरच्या पुढील टप्प्यापासून सुधारित कार्यक्रमानुसार राबविली जाईल. त्यासाठी २० डिसेंबरला मतदान होणार आहे. उर्वरित अन्य सर्व ठिकाणी नियोजित निवडणूक कार्यक्रमानुसार आज मतदान प्रक्रिया सुरू आहे.
राज्य निवडणूक आयोगाने ४ नोव्हेंबरला राज्यातील २४६ नगरपरिषदा आणि ४२ नगरपंचायतींच्या निवडणुकांचा कार्यक्रम जाहीर केला होता. आता निवडणूक निर्णय अधिकाऱ्यांच्या निर्णयाविरुद्ध अपील असलेल्या प्रकरणांचा निर्णय २३ नोव्हेंबर रोजी किंवा त्यानंतर आल्याने संबंधित ठिकाणी सुधारित कार्यक्रमाप्रमाणे निवडणूक प्रक्रिया राबविण्यात येणार आहे.
अध्यक्षपदासंदर्भातील अपिलांचा निकाल उशिरा आलेल्या नगरपरिषदा व नगरपंचायतीच्या संपूर्ण क्षेत्रासाठी निवडणूक प्रक्रिया सुधारीत कार्यक्रमानुसार राबविली जाईल. अध्यक्षपदासोबतच सदस्यपदांची एकत्रित निवडणूक घेण्याची कायद्यात तरतूद आहे. ज्या ठिकाणच्या सदस्यपदासाठी अपील होते, तिथे मात्र फक्त त्या जागेपुरताच सुधारित निवडणूक कार्यक्रम राबविला जाईल.
अपील कालावधीनंतरच्या टप्प्यांसाठीच्या सुधारित कार्यक्रमानुसार आता १० डिसेंबरला दुपारी ३ वाजेपर्यंत उमेदवारी अर्ज मागे घेता येतील. अंतिमरीत्या निवडणूक लढविणाऱ्या उमेदवारांची यादी आणि निवडणूक चिन्हांचे वाटप ११ डिसेंबरला होईल. ता. २० डिसेंबरला सकाळी ७.३० ते सायंकाळी ५.३० या वेळेत मतदान होईल. मतमोजणी २१ डिसेंबरला सकाळी १० वाजता सुरू होईल.
अध्यक्षपदांसह सर्व सदस्यपदांसाठी सुधारित कार्यक्रमानुसार निवडणूक होत असलेल्या २४ नगरपरिषदा व नगरपंचायतींची जिल्हानिहाय नावे : ठाणे- अंबरनाथ. अहिल्यानगर- कोपरगाव, देवळालीप्रवरा, पाथर्डी व नेवासा, पुणे- बारामती व फुरसुंगी उरुळी देवाची, सोलापूर- अनगर व मंगळवेढा, सातारा- महाबळेश्वर व फलटण, छत्रपती संभाजीनगर- फुलंब्री, नांदेड- मुखेड व धर्माबाद, लातूर- निलंगा व रेणापूर, हिंगोली- वसमत, अमरावती - अंजनगाव सूर्जी, अकोला- बाळापूर, यवतमाळ- यवतमाळ, वाशीम- वाशीम, बुलढाणा- देऊळगाव राजा, वर्धा- देवळी, चंद्रपूर- घुग्घूस.
सुधारित कार्यक्रमानुसार निवडणूक होत असलेल्या ७६ नगरपरिषदा व नगरपंचायतींमधील १५४ सदस्यपदांच्या जागांची यादी : अमरावतीः अचलपूर-२, दर्यापूर-१, धारणी-२ व वरूड-१. अहिल्यानगरः जामखेड-२, राहुरी-१, शिर्डी-१, शेवगाव-३, श्रीगोंदा-१, श्रीरामपूर-१ व संगमनेर-३. कोल्हापूरः गडहिंग्लज-१. गडचिरोलीः आरमोरी-१ व गडचिरोली-३. गोंदियाः गोंदिया-३ तिरोडा-१. चंद्रपूरः गडचांदूर-१, बल्लारपूर-१, मूल-१ व वरोरा-१. छत्रपती संभाजीनगरः गंगापूर-२, पैठण-४ व वैजापूर-२. जळगावः अंमळनेर-१, पाचोरा-२, भुसावळ-३, यावल-१, वरणगाव-२ व सावदा-३. जालनाः भोकरदन-२. ठाणे: बदलापूर-६. धाराशिवः उमरगा-३ व धाराशिव-३. नांदेडः कुंडलवाडी-१, भोकर-१ व लोहा-१. नागपूरः कामठी-३, कोंढाळी-२, नरखेड-३ व रामटेक-१. नाशिकः ओझर-२, चांदवड-१ व सिन्नर-४. परभणीः जिंतूर-१ व पुर्णा-२. पालघरः पालघर-१ व वाडा-१. पुणेः तळेगाव-६, दौंड-१, लोणावळा-२ व सासवड-१. बीडः अंबेजोगाई-४, किल्ले धारूर-१ व परळी-५. बुलढाणाः खामगाव-४, जळगाव जामोद-३ व शेगाव-२. भंडाराः भंडारा-२. यवतमाळः दिग्रस-३, पांढरकवडा-२ व वणी-१. रत्नागिरीः रत्नागिरी-२. लातूरः उद्गीर-३. वर्धाः पुलगाव-२, वर्धा-२ व हिंगणघाट-३. वाशीमः रिसोड-२. सांगलीः शिराळा-१. सातारा: कराड-१ व मलकापूर-२. सोलापूरः पंढरपूर-२. बार्शी-१, मैंदर्गी-१, मोहोळ-२ व सांगोला-२ आणि हिंगोली: हिंगोली-२.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.