Manoj Jarange Patil Protest : शरद पवारांचा एक सुसाईड बॉम्ब म्हणून मनोज जरांगेंकडे पाहिले जाते, असं वादग्रस्त वक्तव्य भाजप आमदार संजय केनेकर यांनी केलं आहे. त्यांच्या या वक्तव्यामुळे नव्या वादाला तोंड फुटलं आहे.
मराठा समाजाला ओबीसी प्रवर्गातून आरक्षण मिळावं, या मागणीसाठी मराठा आंदोलक मनोज जरांगे पाटील यांनी आझाद मैदानात बेमुदत उपोषण सुरू केलं आहे. आजचा त्यांच्या आंदोलनाचा दुसरा दिवस आहे.
जरांगेंना पाठिंबा देण्यासाठी राज्यभरातील मराठा समाज मोठ्या संख्येने मुंबईत दाखल होत आहे. तर सरकारने मागण्या मान्य केल्याशिवाय आझाद मैदाना सोडणार नसल्याची ठाम भूमिका जरांगे पाटील यांनी घेतली आहे.
जरांगेंच्या भूमिकेमुळे सरकारवर दबाव वाढला आहे. शिवाय सरकारला मराठ्यांच्या रोषाला देखील सामोरं जावं लागत आहे. अशातच आता भाजप आमदार संजय केनेकर यांनी जरांगे यांच्या संदर्भात एक वादग्रस्त वक्तव्य केलं आहे. त्यांच्या या वक्तव्यामुळे राजकीय आणि सामाजिक वातावरण आणखी तापण्याची शक्यता आहे.
भाजप आमदार संजय केनेकर जरांगे यांच्यावर भाष्य करताना म्हणाले, "शरद पवारांचा एक सुसाईड बॉम्ब म्हणून मनोज जरांगेंकडे पाहिलं जातं. खऱ्या अर्थाने हे नुकसान बूमरँग होणार आहे. हा सुसाईड बॉम्ब व्यक्तिगत द्वेषापायी शरद पवारांनी देवेंद्र फडणवीसांवर सोडलेला आहे.
शरद पवार हे समाजाचे नुकसान करत आहेत. त्यामुळे निश्चितपणे याचे परिणाम महाराष्ट्राला भोगावे लागतील. पवारांनी आपली भूमिका स्पष्ट न करता परस्पर जरांगेंसारखे सुसाईड बॉम्ब महाराष्ट्रात वापरतात हे दुर्दैवी आहे."
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.