Mumbai News: ज्येष्ठ गायिका आशाताई भोसले यांचे ठाकरे कुटुंबियांचे कौटुंबिक नातं आहे, पण या नात्यात आता दुरावा निर्माण होणार का, असा प्रश्न विचारण्यात येत आहे. कारण रश्मी ठाकरे यांनी आशाताईंवर नाराजी व्यक्त केली आहे.
माजी उपमुख्यमंत्री एकनाथ शिंदे यांच्याबाबत आशाताईंनी केलेल्या विधानामुळे रश्मी ठाकरेंनी ही नाराजी व्यक्त केली असल्याचे समजते. रश्मी ठाकरे यांनी याबाबत संताप व्यक्त केला. साम टिव्हीने याबाबतचे वृत्त दिले आहे. बाळासाहेब ठाकरे यांच्यानंतर एकनाथ शिंदे यांनी शिवसेना उभारली, असे विधान आशाताईंनी केले.
कौटुंबिक संबध असून आशाताईंनी असे विधान केल्याने रश्मी ठाकरेंनी नाराजी व्यक्त केल्याची माहिती आहे. एकनाथ शिंदे यांच्या वाढदिवसानिमित्त आयोजित एका कार्यक्रमात आशाताईंनी शिंदे यांच्यावर कौतुकाचा वर्षाव केला.
बाळासाहेबांसारखी एकनाथ शिंदे यांनी शिवसेना उभी केली असे विधान त्यांनी केले. रश्मी ठाकरे यांनी मध्यस्थामार्फत आशाताईंना नाराजीचा निरोपही दिला आहे. एकनाथ शिंदे यांना श्रेय दिल्याने ठाकरे कुटुंबीय नाराज आहे.
सगळ्या संकटांना तोंड देत तुम्ही शिवसेना उभी केली, आशा भोसले आणि ठाकरे कुटुंब यांचे नात अनेक वर्षांपासून घट्ट राहिले आहे. अनेक कार्यक्रमांना ते एकत्र उपस्थित असल्याचे आपण पाहिले आहे.
'तुम जियो हजारो साल,' हे गीत मी तुमच्यासाठी गाते, शिंदे साहेब,अशी सुरवात करीत आशाताईंनी 'तुमचा वाढदिवस आहे. तुमचे काम मला खूप आवडते. तुम्ही काम करीत होतात, त्यामुळे अचानकपणे वर आलात, कोणी कधीही संपत नाही. अशा शब्दात आशाताईंनी एकनाथ शिंदे यांचे कौतुक केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.