Nashik News: मराठी-हिंदी वादावर 'पटक पटक के मारेंगे' असे विधान करणारे भाजपचे खासदार निशिकांत दुबे अडचणीत येण्याची शक्यता वाढली आहे. मनसेचे नाशिक शहर प्रमुख मनसेचे शहराध्यक्ष सुदाम कोंबडे यांनी त्यांना मानहानीची नोटिस पाठवली आहे.
मनसेचे शहराध्यक्ष सुदाम कोंबडे यांनी त्यांचे वकील मनोज सुरेश पिंगळे यांच्यामार्फत ही नोटीस 14 जुलै 2025 रोजी पाठवली आहे. निशिकांत दुबे यांनी माफी मागत, सोशल मीडियावर व्हायरल केलेले सगळे व्हिडिओ तातडीने डिलीट करण्याची मागणी या नोटीसमधून करण्यात आली आहे.
7 जुलै 2025 रोजी एएनआय न्यूज (ANI News) आणि इतर प्रसारमाध्यमांशी बोलताना खासदार दुबे यांनी मराठी भाषिकांविरोधात अनेक अपमानजनक विधाने केली होती. ही विधाने डिजिटल मीडिया, यूट्यूब आणि 8 जुलै 2025 रोजीच्या वृत्तपत्रांमध्ये मोठ्या प्रमाणावर प्रसिद्ध झाली आहेत.
ही विधाने केवळ निराधारच नाहीत, तर ती समाजात तेढ निर्माण करणारी आणि बदनामीकारक आहेत. दुबे यांनी केलेली वक्तव्ये मराठी माणसाच्या भावना दुखावणारी आणि आक्षेपार्ह असल्याचे कोंबडे यांनी नोटीसमध्ये म्हटले आहे.
"अगर बहुत बड़े बॉस हो तो चलो बिहार चलो उत्तरप्रदेश चलो तमिलनाडु, तुमको पटक पटक के मारेंगे...", "तुम किसकी रोटी खाते हो? तुम कौन सा टैक्स देते हो? कौनसी इंडस्ट्री है तुम्हारे पास?", "मराठी लोगों को यदि हिम्मत है तो उर्दू, तमिल और तेलुगु भाषियों को भी मारकर दिखाएं..."
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.