MNS Politics : 'तो फेरीवाला... कानाखाली आवाज काढू', भाजप नेत्याला मनसेचा इशारा

Amey khopkar News : राज ठाकरेंना आपण काय बोलत आहोत, उद्या काय बोलणार आहोत? हे त्यांना कळत नाही. मला वाटतं राज ठाकरे सकाळी-सकाळी उठून भांग वगैरे असं काही तरी घेतात, आणि भांग पिऊन मस्त राहातात, अशी टीका भाजप नेते कृपाशंकर सिंह यांनी केली होती. त्यांच्या या टीकेला मनसेकडून जोरदार प्रत्युत्तर दिले.

'राज ठाकरेसाहेंबावर टीका करायची तुमची लायकी नाही. जो कोणी राज ठाकरे यांच्यावर वैयक्तिक टीका करेल त्याच्या कानाखाली आवाज निघेल', असे थेट इशारा मनसे नेते अमेय खोपकर यांनी दिला.

'राज ठाकरेसाहेब म्हणतात त्या प्रमाणे कृपाशंकर सिंह हा फेरीवाला आहे. तो आज एका पक्षात उद्या दुसऱ्या पक्षात. राजसाहेबांना इशारा देण्याइतका तो मोठा नाही. त्याची पात्रताही नाहीये.', असा टोला खोपकर यांनी लगावला.

'राज्यात सगळीकडे धुळवडीचा उत्साह आहे. सगळे मज्जा करताय. कशाला उगीच गलिच्छ राजकारण करायचं?', असा सवाल देखील करत अमेय खोपकर यांनी केला तसेच वैयक्तिक टीका राज ठाकरेसाहेबांवर कोणी करत असेल तर त्याच्या कानाखाली आवाज काढू असा इशारा देखील दिला,

कृपाशंकर सिंह नेमके काय म्हणाले?

'राज ठाकरे काही जरी बोलले तर समजेल की त्यांना वेड लागले आहे. त्याला कधी कळलेच नाही की आज काय बोलले आणि उद्या काय बोलले. मला वाटते राज ठाकरे सकाळी उठल्यानंतर भांग घेतात. भांग घेऊन मस्त राहतात. संध्याकाळी ये माझ्या बांधवानो. माझ्या मनसैनिकांनो काहीतरी करा आणि ते काय वेगळं करतात समजत नाही. त्यांना पण भांग पाठवतो.', असे कृपाशंकर सिंह म्हणाले.

(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)