मलिकांचा आवाज कोणी दाबू शकत नाही : क्लाईड क्रास्टो

मुंबई : केंद्रातील (Central Government) भाजप (BJP) सरकारविरोधात ठाम भूमिका आणि अनेक कारनामे उघड करणारे राष्ट्रवादीचे (NCP) मुख्य राष्ट्रीय प्रवक्ते व मंत्री नवाब मलिक (Nawab Malik) यांचा आवाज दाबण्याचा प्रयत्न होत आहे. मात्र, सत्याचा आवाज कोण दाबू शकत नाही, अशा शब्दात राष्ट्रवादी काँग्रेसचे प्रदेश प्रवक्ते क्लाईड क्रास्टो (Clyde Cristo) यांनी प्रतिक्रिया दिली आहे. मलिक यांच्या घरावर आज (ता. 23 फेब्रुवारी) ईडी (ED) अधिकाऱ्यांनी छापा टाकला आणि त्यांनाही चौकशीसाठी ताब्यात देखील घेतले आहे.

क्रास्टो म्हणाले की, केंद्रातील भाजपसरकार महाविकास आघाडी सरकारला बदनाम करण्याचा सातत्याने प्रयत्न करत आहे. त्यांच्याविरोधात नवाब मलिक यांनी पक्षाचे प्रवक्ते म्हणून जोरदार आवाज उठवला आहे. त्याचाच भाग म्हणून मलिक यांच्याविरोधात अशाप्रकारची कारवाई केली जात आहे. मात्र, सत्य समोर आल्याशिवाय राहणार नाही. मलिक यांचा आवाज कुणीही दाबू शकणार नाही, अश्या शब्दात क्रास्टो यांनी केंद्र सरकारवर टीका केली आहे.

दरम्यान, आज मलिकांच्या घरावर ईडी अधिकाऱ्यांनी छापा टाकला आणि त्यांना चौकशीसाठी ताब्यात घेतले आहे. मात्र, मलिक स्वतःच ईडीच्या कार्यालयात हजर झाले असल्याचीही माहिती आहे. सध्या ईडीच्या कार्यालयात त्यांची त्यांची चौकशी सुरु आहे. दाऊद इब्राहिम मनिलाँड्रिंग प्रकरणात त्यांची चौकशी सुरु असल्याचे समजते आहे. मलिक यांच्यावर करण्यात आलेल्या कारवाईवरून राष्ट्रवादीच्या कार्यकत्यांकडून संतप्त प्रतिक्रिया येत आहेत. शिवाय मलिकांवर करण्यात आलेल्या कारवाई विरोधात राष्ट्रवादीच्या नेत्यांकडून नाराजी व्यक्त करण्यात आली असून ईडीच्या कार्यपद्धतीवर प्रश्नचिन्ह उपस्थित करण्यात आले आहे.