Sharad Pawar Retirement: शरद पवार यांच्या पदावरुन पायउतार होण्याच्या निर्णयानंतर जितेंद्र आव्हाडांना अश्रू अनावर...

Mumbai News: राष्ट्रवादीचे अध्यक्ष शरद पवार यांनी आज मोठी घोषणा करत आपण लवकरच राष्ट्रवादी काँग्रेसच्या अध्यक्षपदावरुन पायउतार होणार असल्याची घोषणा केली. तसेच राज्यसभेची ही टर्म संपली की आपण या पुढे निवडणूक लढणार नाही, अशीही घोषणा त्यांनी केली.

त्यानंतर राष्ट्रवादीच्या कार्यकर्त्यांनी शरद पवार यांच्या निर्णयाला विरोध करत राष्ट्रवादी काँग्रेसच्या अध्यक्षपदावरुन निवृत्त होण्याचा निर्णय मागे घ्यावा, अशी मागणी शरद पवार यांच्याकडे केली आहे. तसेच राष्ट्रवादीच्या कार्यकर्त्यांनी सभागृहात जोरदार घोषणाबाजी करत त्यांना हा निर्णय मागे घेण्याचे साकडे घातले.

तसेच यावेळी राष्ट्रवादीचे प्रदेशाध्यक्ष जयंत पाटील यांना अश्रू अनावर झाले. तसेच यावेळी जेष्ठ कार्यकर्त्यांना आणि नेत्यांना अश्रू अनावर झाले. शरद पवार यांनी हा निर्णय मागे घेण्यासाठी साकडे घातले आहे. शरद पवार हा निर्णय मागे घेत नाहीत, तोपर्यंत सभागृह न सोडण्याची कार्यकर्त्यांनी भूमिका घेतली आहे.

यावेळी बोलताना राष्ट्रवादीचे नेते जितेंद्र आव्हाड यांनीही शरद पवार यांना राष्ट्रवादी काँग्रेसच्या अध्यक्षपदावरुन निवृत्त होण्याचा निर्णय मागे घेण्याचे आवाहन केले. तसेच यावेळी तुम्हीच आमचे नेते, अध्यक्षपदावरून निवृत्त होऊ नका, अशी विंनती करत हा निर्णय मागे घेण्याची भावनिक साद त्यांनी यावेळी घातली. तसेच यावेळी बोलताना जितेंद्र आव्हाड यांना अश्रू अनावर झाले.