गुन्हा दाखल होताच IPS अधिकारी न्यायालयात; मुंबईत पोलिसांची स्वतःच्या बचावासाठी धडपड

मुंबई : प्राप्तिकर विभागाची भीती दाखवून अंगडिया व्यवसायिकांकडून खंडणी (Ransom) वसूल प्रकरणात आरोपी असलेल्या IPS अधिकारी सौरभ त्रिपाठी यांनी आता न्यायालयात धाव घेतली आहे. त्यांनी मुंबई सत्र न्यायालयात अटकपूर्व जामीन अर्ज दाखल केला आहे. बुधवारी (२३ मार्च) रोजी या अर्जावर सुनावणी होणार आहे. याशिवाय त्रिपाठी यांच्यावर कायदेशीर कारवाई करण्यात यावी यासाठीचा अहवाल मुंबई पोलिस आयुक्तालयातून गृहविभागात पाठवण्यात आला आहे.

गडिया व्यवसायिकांकडून खंडणी (Ransom) वसूल प्रकरणात ३ दिवसांपूर्वी सौरभ त्रिपाठी यांच्यावर गुन्हा दाखल झाला आहे. (Angadiya Commercial Ransom Case: IPS Saurabh Tripathi police case Filed) या प्रकरणी मुंबईतील लोकमान्य टिळक मार्ग पोलिस ठाण्यातील फरारी पोलिस निरीक्षक ओम वंगाटे, सहाय्यक पोलिस निरीक्षक आणि पोलिस उपनिरीक्षक दर्जाच्या अधिकाऱ्यांवर गुन्हा दाखल करुन अटक केली आहे. (IPS Saurabh Tripathi News)

प्राप्तिकर विभागाच्या कारवाईची भीती दाखवून अंगडिया व्यावसाय करणाऱ्यांकडून पोलिसांनी खंडणी वसुली केली हेाती. या प्रकरणी पोलिस निरीक्षक, सहाय्यक पोलिस निरीक्षक, पोलिस उपनिरीक्षक यांच्यावर लोकमान्य टिळक मार्ग पोलिस ठाण्यात गुन्हा दाखल करण्यात आला होता. पैसे उकळल्याप्रकरणी तीन पोलिसांविरुद्ध गुन्हा दाखल झाल्याने मुंबई पोलिस दलात मोठी खळबळ उडाली होती.

या प्रकरणी गुन्हा दाखल झाल्यानंतर स्थानिक पोलिस उपायुक्त डॉ. सौरभ त्रिपाठी यांची बदली करण्यात आली होती. या बदलीनंतर सौरभ त्रिपाठी हे सुटीवर गेले होते. दरम्यान, अटक करण्यात आलेले आरोपी ओम वंगाटे यांची पोलिस कोठडी संपल्याने त्यांना आज न्यायालयात हजर केले गेले होते. त्या वेळी IPS अधिकारी सौरभ त्रिपाठी यांना या गुन्ह्यात आरोपी करण्यात यावे, असे तपास अधिकाऱ्यांनी मागणी करण्यात आली हेाती.

त्यानुसार अतिरिक्त पोलीस आयुक्त (दक्षिण प्रादेशिक परिमंडळ) दिलीप सावंत यांनी स्वतः या प्रकरणी पोलिसांत तक्रार दिली होती. त्यानंतर आयपीएस अधिकारी त्रिपाठी यांच्यावर गुन्हा दाखल झाला. दरम्यान, गुन्हा दाखल झाल्यानंतर या प्रकरणाचा तपास गुन्हे शाखेच्या गुन्हे गुप्तावार्ता पथकाला (सीआययू) वर्ग करण्यात आला होता.