मुंबई : आर्यन खान (Aryan Khan) ड्रग्ज प्रकरणातील पंच किरण गोसावी (Kiran Gosawi) याच्या बॉडीगार्डचा एक व्हिडीओ काल समोर आला आहे. त्यामध्ये त्याने अनेक धक्कादायक खुलासे केले आहेत. एनसीबीचे विभागीय संचालक समीर वानखेडे यांच्यावरही गंभीर आरोप करण्यात आले आहेत. हे प्रकरण गाजत असतानाच आता भाजपचे आमदार नितेश राणे (Nitesh Rane) यांनी नाव न घेता महाविकास आघाडी सरकारमधील एका 'युवा' मंत्र्यांविषयीची ऑडिओ क्लीप (Audio Clip) व्हायरल करण्याचा इशारा दिला आहे.
आर्यन खानला एनसीबीच्या (NCB) कार्यालयात नेल्यानंतर काही तासांनी किरण गोसावी शाहरुख खानच्या (Shahrukh Khan) मॅनेजरला भेटला होता. यावेळी त्यांच्यात एक डील झाल्याचा खुलासा गोसावीच्या बॉडीगार्डने केला आहे. या डीलमधील पैसे वानखेडे यांनाही जाणार होते, असा खळबळजनक आरोप त्याने केला आहे. या आरोपांनंतर आर्यन खान ड्रग प्रकरणाला वेगळं वळण मिळालं आहे.
त्यानंतर राणे यांनीही सोमवारी सकाळी टि्वट करत ठाकरेंना इशारा दिल्याची बोलले जात आहे. यामध्ये त्यांनी थेट आदित्य ठाकरे यांचे नाव घेतले नसले तरी दिशा सालीयानचा उल्लेख केला आहे. सालियान आत्महत्या प्रकरणात राणेंकडून सतत आदित्य ठाकरेंवर निशाणा साधला जात आहे. तसेच त्यांच्या ट्विटमध्ये युवा एमव्हीए मंत्री असा उल्लेख केला आहे. त्यामुळे त्यांचा रोख थेट आदित्य यांच्यावरच असल्याची चर्चा आहे.
'प्रभाकर साईलची पार्श्वभूमी माहिती नसताना तो जे काही बोलतो ते खरे असेल तर गणेश हिवरकरवर विश्वास का ठेवू नये. आपल्याला एमव्हीएमधील युवा मंत्र्याने रुग्णालयात धमकी दिल्याचे त्याने मी व माझ्या आमदार मित्रासमोर कबूल केलं आहे. शाहरुख खान, दिशा सालियान विषयी कबुली दिली आहे. माझ्याकडे त्याचे साऊंड रेकॉर्डिंग असून ते सार्वजनिक करू शकतो. प्रत्येकासाठी नियम सारखेच हवेत. तो शाहरुखच्या अत्यंत जवळचा होता. जोगेश्वरीमधील बाळासाहेब ठाकरे ट्रॉमा रुग्णालयात तो अॅडमिट होता,' असं ट्विट राणे यांनी केलं आहे.
नवाब मलिकांचा गौप्यस्फोट
आर्यन खान (Aryan Khan) ड्रग्ज प्रकरणाला रोज नवीन वळणं लागत आहे. दररोज नवीन धक्काधायक माहिती समोर येत आहे. आता वेगळं वळण मिळालं. आज अल्पसंख्याक मंत्री, राष्ट्रवादीचे नेते नवाब मलिक (Nawab Malik) यांनी एनसीबीचे अधिकारी समीर वानखेडे याचा एक फोटो टि्वट करीत गैाप्यस्फोट केला आहे.
नवाब मलिक यांनी आपल्या टि्वटर हॅडलवरुन समीर वानखेडेंचा फोटो टि्वट केला आहे, या फोटो एक महिला व अन्य जण दिसत आहे. वानखेडे यांच्यासोबत असलेली महिला ही डॅा. शबाना कुरेशी असल्याचे समजते. तिच्यासोबत समीर वानखेडे याचं पहिलं लग्न झालं असल्याचे समजते.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.