Palghar Lok Sabha News : पालघरमध्ये महायुतीचा उमेदवार ठरला, पण कोणत्या चिन्हावर लढणार?

Palghar News : पालघर लोकसभा मतदारसंघ महायुतीत कोणाच्या वाट्याला जाणार हे अद्याप ठरले नसले, तरी उमेदवार मात्र राजेंद्र गावितच असतील,, हे जवळजवळ निश्चित झाले आहे. त्यामुळे गावित यांनी प्रचाराची एक फेरी पूर्ण केली असून विरोधकांना तितक्याच आक्रमकपणे प्रत्युत्तर देण्याचे तसेच आक्रमकपणे प्रचार करण्याचे धोरण त्यांनी अवलंबिले आहे. (Latest Marathi News)

खासदार गावित यांनी आतापर्यंत मतदारसंघाच्या सर्व विभागाचा दौरा पूर्ण केला आहे. आताही गावोगावी बैठका, मेळावे ते घेत आहेत. महायुतीत हा मतदारसंघ कोणाला हे अद्याप ठरले नसले, तरी खासदार गावित हेच या मतदारसंघातील महायुतीचे उमेदवार असतील. प्रसंगी भारतीय जनता पक्षाच्या कमळ या चिन्हावर ते निवडणुकीत उभे राहू शकतात. उमेदवारी जाहीर होईल तेव्हा होईल; परंतु तोपर्यंत विरोधकांपेक्षा प्रचारात कुठेही कमी पडता कामा नये, यावर गावितांनी भर दिला आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

पालघर लोकसभा मतदारसंघातून (Lok Sabha) महाविकास आघाडीच्या उमेदवार भारती कामडी यांनी उमेदवारी जाहीर झाल्यानंतर जोरात प्रचार सुरू केला आहे. त्या वारंवार खासदार गावित यांच्यावर टीकेचे प्रहार करीत आहेत. अन्य कुणी त्यांना उत्तर देत नसले, तरी खासदार गावित त्यांनी मात्र त्यांना जशास तसे उत्तर देण्याचे ठरवले आहे. कामडी यांनी बोईसर येथील सभेत खासदार गावित यांनी पाच वर्षात एकही काम केले नसल्याची टीका केली होती.

या टीकेला खासदार गावित त्यांनी तितकेच जोरदार प्रत्युत्तर दिले. मुख्यमंत्री एकनाथ शिंदे (Eknath Shinde) यांच्यावर कामडी यांनी टीका केली होती. या टीकेला उत्तर देताना खासदार गावित यांनी लायकी नसलेल्या व्यक्तींनी मुख्यमंत्री शिंदे यांच्यावर टीका करू नये, असा सल्ला दिला होता.

(Edited By - Chetan Zadpe)