Narendra Modi : पीएम मोदींनी घातली मुंबईकरांना भावनिक साद; म्हणाले, 'तुमची स्वप्ने हाच आमचा संकल्प'

Mumbai News : राज्यातील महायुती ही स्वप्न साकार करणारी आघाडी आहे. विधानसभा निवडणुकीसाठी माझी ही शेवटची सभा आहे. तुमचे स्वप्ने हाच आमचा संकल्प आहे. माझं आयुष्य तुमच्या स्वप्नसाठी लढत असल्याचे सांगत येत्या काळात तुमची सेवा करण्याची पुन्हा एकदा संधी द्या, असे म्हणत पीएम नरेंद्र मोदी यांनी मुंबईकरांना भावनिक साद घातली.

मुंबईतील शिवाजी पार्कवर आयोजित करण्यात आलेल्या सभेप्रसंगी ते बोलत होते. यावेळी त्यांनी महाविकास आघाडीवर जोरदार टीका केली. काँग्रेसची वागणूक ही भ्रष्टाचाराला पाठीशी घालणारी आहे. राज्यातील विकासकामात अडथळा आणला जात आहे. या मंडळीनी अटलसेतूला विरोध केला आहे. त्यांनीच मेट्रोला विरोध केला आहे. या मंडळींनी युपीआय व टेक्नाॅलाॅजीची टिंगल उडवली. मुंबईत सर्व जातीचे लोक येतात. सर्व भाषाचे लोक येतात एकत्र राहतात, पण मविआ जातीच्या नावावर भांडण लावत आहेत, असा आरोप त्यांनी केला

महाविकास आघाडीमुळे राज्याचे मोठे नुकसान झाले आहे. त्यांनी प्रत्येक गोष्टीला विरोध केला आहे. महाविकास आघडीने राम मंदिरालादेखील विरोध केला. त्यासोबतच मराठी भाषेला अभिजात दर्जा देण्यास महाविकास आघाडी सरकारने विरोध केला असल्याचे त्यांनी सांगितले.