Jitendra Awhad : विधानभवनाच्या लाॅबीमध्ये आमदार गोपीचंद पडळकर यांचा कार्यकर्ते हृषिकेश टकले आणि आमदार जितेंद्र आव्हाडांचे मुख्य कार्यकर्ते नितीन देशमुख यांच्यात तुफान हाणामारी झाली होती.या प्रकरणाला मध्यरात्री वेगळेच वळण मिळाले.
पोलिसांनी बळाचा वापर करत कार्यकर्त्यांची धरपकड सुरू केली. पोलिसांनी नितीन देशमुख यांना पकडून घेईन जाण्याचा प्रयत्न केला. त्यावेळी आव्हाड हे प्रचंड आक्रमक झाले. त्यांनी थेट पोलिसांच्या गाडीसमोर ठिय्या सुरू केला. पोलिसांनी बळाचा वापर करत फरफटत आव्हाड यांना बाजुला केले. सुमारे तासभर हा राडा सुरू होता. यावेळी सरकार विरोधात निदर्शने आणि या पोलिसांचा निषेध करण्यात आला.
हा राडा सुरू असताना जितेंद्र आव्हाड यांच्या ट्विटवरून हँडलवरू ट्विट करण्यात आले की, 'पडळकर यांच्या गुंडांनी माझा कार्यकर्ता नितीन देशमुख विधानभवनात याला मारहाण केली.यानंतर मारहाण करणारे विधानभवनातून पळून गेले.शिवाय पोलिसांनी माझ्याच मार खाणाऱ्या कार्यकर्त्याला पकडलं.आणि विधानसभा सचिवांनी माझ्याच कार्यकर्त्याला पोलिस स्टेशनला नेण्याचा घाट घातला आहे.'
'म्हणजे मार खाणार आमचा कार्यकर्ता,पळून जाणार पडळकरचे कार्यकर्ते आणि प्रशासन पकडून कारवाई कोणावर करत आहे तर आमच्याच कार्यकर्त्यांवर..!सत्ताधाऱ्यांना इतक शरण गेलेलं प्रशासन मी आजवर पाहिल नव्हतं..! या अधिकाऱ्यांकडे आत्मसन्मान नावाची काही गोष्टच नाही..!', असा संताप देखील आव्हाड यांनी व्यक्त केला.
पडळकर-आव्हाड यांचे समर्थक विधानभवन परिसरात भिडले. त्याची गंभीर दखल विधानसभा अध्यक्ष राहुल नार्वेकर यांनी घेतली आहे. ते म्हणाले गंभीरबाब आहे. विधीमंडळामध्ये माझ्याकडे जे अधिकार आहेत त्यानुसार मी कारवाई करणार आहे. तर, या प्रकरणी फौजदारी कारवाई देखील करण्यात येईल.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.