Pragya Patil News : विधानसभा निवडणुकीच्या वेळेला बहुजन विकास आघाडीच्या विरोधात ठामपणे लढलेल्या भाजपच्या प्रज्ञा पाटील यांना बक्षीस मिळाले आहे. त्यांची वसई-विरार जिल्हाध्यक्षपदी निवड झाली आहे.वसई-विरारच्या जिल्हाध्यक्षपदी प्रथमच एक महिलेची निवड करून खऱ्या कार्यकर्त्याचा सन्मान झाल्याचे बोलले जात आहे.
विधानसभा निवडणुकीच्या वेळी हॉटेल विवांतामध्ये बहुजन विकास आघाडी आणि भाजपमध्ये राडा झाला होता. त्यावेळी भाजपच्यावतीने बहुजन विकास आघाडीच्या विरोधात प्रज्ञा पाटील ठामपणे उभ्या राहिल्या होत्या. प्रज्ञा पाटील यांच्या निवडीने भाजपमध्ये महिलांचाही सन्मान करण्यात येत असल्याचे अधोरेखित करतानाच भाजपच्या जुन्या कार्यकर्त्यांना पुन्हा एकदा मुख्यप्रवाहात आणण्याचे काम करण्यात आल्याची भावना जुने कार्यकर्ते बोलून दाखवत आहेत.
प्रज्ञा पाटील यांच्या नियुक्तीने भाजपने विशेष सामाजिक समीकरण देखील साधले आहे. ते हिंदू सोनकोळी या विशेष मागासवर्गीय समाजातील आहेत. प्रज्ञा पाटील यांची अध्यक्षपदी झालेल्या निवडीचे नालासोपाराचे आमदार राजन नाईक यांनी स्वागत केले आहे. प्रज्ञा पाटील यांच्या निवडीने पक्षाला खंबीर नेतृत्व मिळाल्याचे राजन नाईक यांनी सांगितले.
बीडचे प्रभारी जिल्हाध्यक्ष शंकर देशमुख यांची जिल्हाध्यक्षपदावर निवड करण्यात आली.कडा (ता. आष्टी) येथील देशमुख कुटूंबिय दोन पिढ्यांपासून राष्ट्रीय स्वयंसेवक संघ व भाजपचे एकनिष्ठ आहेत. सात महिन्यांपूर्वी राजेंद्र मस्के यांच्या राजीनाम्यानंतर शंकर देशमुख यांची प्रभारी जिल्हाध्यक्षपदी निवड करण्यात आली. महिनाभरापूर्वी मंडळ अध्यक्षांच्या निवडीनंतर बीड जिल्हाध्यक्षपदाची निवड रखडली होती. आता देशमुख यांना कायम ठेवण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.